Video
Read full review
2021-10-17
231 views
屋企人特登入嚟屯門食海鮮，點知服務咁差，我勸你哋千祈唔好去，完全唔值得咁樣洗錢買難受。我知道入得呢間度食嘢，都係食佢嘅味道而唔係服務，所以一開始係完全冇期望，但係都冇諗過成件事會咁離譜。7:45pm 一入到去，就話得門口位我哋，我哋四個人，但係嗰張其實係兩人位嚟囉坐到好迫好唔舒服。張枱似係臨時加出嚟，地下真係好污糟平時一定冇抹嗰個位，碗筷嘅污跡洗唔乾淨，凳都好多灰塵，我嗰張凳上面仲有牙籤添。地下有啲不知名物體，我唔知道係海鮮嘅殻定係昆蟲殻，有半張枱嘅位係橫樑壓頂之餘完全冇燈嘅。我哋坐咗45分鐘，都冇夥計得閒過嚟，問佢地淨係話有時間秤完海鮮就會過嚟。期間後面有張比較好嘅枱空左出嚟，我媽咪就問可唔可以換枱，既然乜嘢餸都未上（其實係連落單未得閒幫我哋落）有個阿伯夥計即刻好冇禮貌咁話唔可以換，話一開始唔想坐就出聲唔好勉強。之後終於有另一個男人問我哋想點整，但佢都係好冇禮貌㗎。好快落完海鮮單就想走，之後我哋同佢講話仲想再炒個菜，佢又好冇禮貌咁講：「仲有其他咩要食㗎？嗱嗱聲講埋啦！」之後再等咗一個鐘，第一味餸終於上，係我哋個炒通菜。我哋食嗰碟菜食咗半個鐘之後先上另一道海鮮。嗰陣時已經覺得佢哋個廚師
7:45pm 一入到去，就話得門口位我哋，我哋四個人，但係嗰張其實係兩人位嚟囉坐到好迫好唔舒服。張枱似係臨時加出嚟，地下真係好污糟平時一定冇抹嗰個位，碗筷嘅污跡洗唔乾淨，凳都好多灰塵，我嗰張凳上面仲有牙籤添。地下有啲不知名物體，我唔知道係海鮮嘅殻定係昆蟲殻，有半張枱嘅位係橫樑壓頂之餘完全冇燈嘅。
我哋坐咗45分鐘，都冇夥計得閒過嚟，問佢地淨係話有時間秤完海鮮就會過嚟。期間後面有張比較好嘅枱空左出嚟，我媽咪就問可唔可以換枱，既然乜嘢餸都未上（其實係連落單未得閒幫我哋落）有個阿伯夥計即刻好冇禮貌咁話唔可以換，話一開始唔想坐就出聲唔好勉強。
之後終於有另一個男人問我哋想點整，但佢都係好冇禮貌㗎。好快落完海鮮單就想走，之後我哋同佢講話仲想再炒個菜，佢又好冇禮貌咁講：「仲有其他咩要食㗎？嗱嗱聲講埋啦！」
之後再等咗一個鐘，第一味餸終於上，係我哋個炒通菜。我哋食嗰碟菜食咗半個鐘之後先上另一道海鮮。嗰陣時已經覺得佢哋個廚師時間觀念有啲問題。食物水準都正正常常嘅，係有啲沙囉。
跟住叫啤酒，嗰個一開始好冇禮貌嘅阿伯侍應拎啤酒嘅時候就好殷勤，想叫佢俾啲杯我哋倒啤酒就喵咗我哋一眼走咗，跟住就再冇返過嚟俾杯我哋喇。
食到9:30，發覺我哋最主要嘅椒鹽賴尿蝦都仲未上。於是搵夥計問問，一問又係15分鐘，之後同我哋講5分鐘之後上呢道主菜。我好記得當時我隻錶係9:51，跟住有一個冇禮貌個女人走過嚟話係咪齊晒餸，話佢地要埋單啊佢地10點鐘閂門。即刻問佢咁我哋賴尿蝦啱啱上可以食到幾點。個女人望住我哋原封不動嘅賴尿蝦，同我哋講話：「你哋食到10點啦！如果唔係我哋都會俾政府罰㗎！唔係我哋唔俾你食，係政府唔俾你食呀！」搞到我哋好匆匆忙忙咁樣嗱嗱聲食晒成碟賴尿蝦。
最後，唔明點解加工費會同我哋買返嚟嘅海鮮價錢只係差左$100？除咗焗芝士伊麵複雜啲之外，其他都係普通嘅蒜蓉蒸、椒鹽煮法。我食海鮮我見過邊度加工費會咁貴，可能而家市道唔同咗掛。我打呢篇食評係第二日，係我屋企人同我個肚都唔舒服之後打嘅，唔知道關唔關事呢餐飯事？
$700
6 views
0 likes
0 comments
Post
