古今

Open Now

Now Closed

今日收工約咗朋友嚟雅蘭中心食古今二。餐廳環境好闊落，我哋坐喺卡位好舒服。我哋嗌咗一個雜錦刺身沙律。嘩！個沙律好豐富好足料，上面有好多魚子爆爆珠，魚生好新鮮同埋啲沙律菜都好爽脆，好味😋鹽燒雞中翼，雞翼好Juicy好多汁而且雞皮煎得好脆，肉質嫩滑，好味唔錯唔錯👍🏻紅粉佳人卷份量都好充足下，一嚿一啖係食唔晒嘅🤣好足料好豐富食到好飽。我哋仲嗌咗個火山，哇😧侍應會即場喺我哋面前點火，真係成個火山咁壯觀😍卷物上面係龍蝦沙律再加啲魚子醬份量真係好大，我哋兩個女仔都食唔晒。黑豚豬頸肉串燒黑豚肉好好味，肉質好爽口，忍唔住一啖接一啖，好快食晒。