Sweetology (Closed)

同朋友喺新都會食完晚飯，見時間尚早，就搵甜品食，葵廣都同新都會選擇唔多，呢間幾乎係唯一選擇，點知就中伏了，先喺門口睇餐牌，見賣相好似唔錯，但睇完之後就企左喺度差不多五分鐘都冇人理，侍應們冇出過黎，而門口就一直有位阿姐背住我地企，亦冇理會過我地，於是我地就自己行入去，木無表情侍應終於見到我地，亦安排好座位，入黎之前已經決定叫個梳乎厘班㦸，睇相當然充滿期待，但當送到黎嗰陣，感覺真係完全兩回事，望落已經唔覺係鬆軟，一刀切落去，嘩，實心嘅！連蛋糕都唔係，直情似麵包嘅質地，再食落口，同我食開嘅梳乎厘班㦸簡直係天壤之別！簡直超級後悔，咁嘅價錢食咁嘅質素，真係永遠唔會再黎！