喜聚坊

Open Now

Now Closed

大角咀呢邊出名多嘢食，今次經親戚嘅介紹吓，黎試一試呢間私房菜，聽聞大廚煮嘢非常好食，一定要朝聖一下。入到去環境已經反映餐廳口卑，皆因牆上貼咗好多大廚受訪問、得獎、獲推介嘅照片，所以未嗌嘢食已令人充滿期待。《老火煲霸王花豬尾骨湯》$168首先來個靚湯暖一暖胃先，師傅話冇加任何味精，飲落的確係，淡淡地，只有好天然嘅豬尾骨味。霸王花好香，夠林好味👍🏻《支油皇炒鵝腸》$168第一次食新鮮嘅鵝腸，真係好少見，大排檔幾乎全部都係用冰鮮的。新鮮鵝腸嘅特別之處係非常爽脆，比較闊身，而且好入味好香，連底底嘅芽菜都好好味，食到停唔到口！《原條香濃水煮桂花魚》$268桂花魚都知道好滑無骨，整得好食就一定係個湯底，呢個湯底好濃好香花椒味，但又唔係死辣，更加唔會愈食愈咸，師傅係調味方面掌握得好好，除咗魚仲有大量嘅配料，豆芽索汁後好好味好爽口，非常推薦。《芥菜炒咸肉》$148好少機會食到芥菜，炒得好爽脆，咸肉輕輕煎香過，少少脆口，兩樣野好match，都唔錯。 總括嚟講，私房菜真係有咁上下質素，而且大廚真係並非浪得虛名，有機會下次一定再嚟。