狂野麻神麻辣火鍋 (Closed)

今晚屋企人唔煮飯，見到尖沙咀呢間打邊爐又幾抵食，所以就嚟左呢度食嘢，食返餐勁嘅😆估唔到平平哋二百幾蚊都有咁多選擇，我哋叫咗個麻辣湯底，入面仲會包埋有啲果凍鴨血😍，麻辣湯底同鴨血真係絕配！之後放埋墨魚餅落去都幾正，墨魚餅好香墨魚味，而且食落口感都好滑。仲有牛肉盛有大量唔同部位嘅牛肉，分別有牛頸脊 、牛小排、牛胸爽、牛根膜 、一口牛，仲要睇落都係好新鮮，食落又香牛肉味，真係總有一款啱你。仲有個海鮮盛合，海鮮都有好幾款唔同嘅選擇，每款都係好新鮮唔會有腥味，我就最鍾意食佢哋嘅鮮蝦，超級鮮甜又彈牙！