LM Cafe (Closed)

工作關係要來觀塘走一轉，唔熟呢頭就梗係上OpenRice搜尋一下呢區有咩好食，發現中西合璧嘅LM Cafe都幾受歡迎，一於試下。一入到去，就覺得餐廳好有格調。燈光暗暗地充滿氣氛，放著香港的經典流行歌曲，八九十後一定覺得好熟悉好有親切感，好感度大增。實在太肚餓，食肉獸嘅我當然要來一份最重型嘅星級扒餐，同行女友人就叫咗個帶子意粉。首先上雜菜湯，份量很夠，酸酸地幾開胃。跟西餐仲有一份沙律。沙律菜十分新鮮，配上栗米同醋，很醒神。招牌朱古力、綠茶鮮奶星級扒餐上菜了，我揀咗最滋味嘅黑椒汁。店員貼心提醒，唔夠汁的話隨時叫佢再加，抵讚。淋啲汁上去件扒時，jar jar 聲，講真，食扒餐最滿足都係呢一個 moment。星級扒餐有煙三文魚、牛扒、雞扒、香腸、炸帶子，可跟飯、意粉、薯菜。女友人笑稱，牛扒同雞扒，好似佢手掌咁大，點食得晒呀？哈哈接著係香蒜牛油帶子意粉。意粉陣陣橄欖油香味，夠光澤，牛油帶子係煎香過嘅，而且有五粒之多！正所謂，女人食甜品係用第二個胃，女友人強烈要求下我地仲叫多一客朱古力窩夫，跟餐係雪糕的，但我地改做木糠布甸。窩夫好濃朱古力味，木糠布甸好重奶味，岩晒鍾意重口味的我們。食到咁飽都係$2