Video
Read full review
2019-07-25
80 views
#放下素 (銅鑼灣)銅鑼灣登龍街28號永光中心-----B仔有位好友係素食者 次次見親佢 我都一改平時大魚大肉 狂飲狂食嘅飲食風格 陪佢食素食清D 但可能係因為偶爾食一次素 身體唔太習慣食太清嘅原因 所以次次食完素食晚餐 半夜就會肚餓 朋友驚我餓親😂所以今次佢就帶我嚟銅鑼灣登龍街呢間素食自助餐 話包我食到捧住肚皮走 一定唔會餓 😂餐廳裝修風格清雅 早黎可以坐到卡位 晚市分為三段 我地食黃金時段（19:15 - 20:00）每位$138 而其餘時段（早鳥時段同宵夜時段）就每位$108 佢地嘅野食主要係用天然食材黎烹調 中西式都有 由前菜 沙律 麵包 到主食 甜品 水果 同飲品 通通都有 款式選擇幾多 當中B仔覺得最吸引嘅有以下幾款：-涼瓜炒蛋：涼瓜係普通涼瓜 但由於切得幼細 所以食落唔會好苦 雞蛋炒得非常出色 廚師功力到家 入口極為嫩滑 拍得住係澳牛食到嘅質感 🥚-西班牙蛋餅：食落感覺有啲似千層麵 麵皮中間夾住好多薯仔餡 雞蛋 同芝士 材料唔太複雜 但味道卻係一級棒 薯仔控一定唔會鍾意到不得了 唔係誇張 B仔起碼食左8件以上 係全晚最鍾意嘅食物😆-雪地陽江：個名好有詩意 其實即係豆豉蒸豆
#放下素 (銅鑼灣)
銅鑼灣登龍街28號永光中心
-----
B仔有位好友係素食者 次次見親佢 我都一改平時大魚大肉 狂飲狂食嘅飲食風格 陪佢食素食清D 但可能係因為偶爾食一次素 身體唔太習慣食太清嘅原因 所以次次食完素食晚餐 半夜就會肚餓 朋友驚我餓親😂所以今次佢就帶我嚟銅鑼灣登龍街呢間素食自助餐 話包我食到捧住肚皮走 一定唔會餓 😂餐廳裝修風格清雅 早黎可以坐到卡位 晚市分為三段 我地食黃金時段（19:15 - 20:00）每位$138 而其餘時段（早鳥時段同宵夜時段）就每位$108 佢地嘅野食主要係用天然食材黎烹調 中西式都有 由前菜 沙律 麵包 到主食 甜品 水果 同飲品 通通都有 款式選擇幾多 當中B仔覺得最吸引嘅有以下幾款：
-
涼瓜炒蛋：涼瓜係普通涼瓜 但由於切得幼細 所以食落唔會好苦 雞蛋炒得非常出色 廚師功力到家 入口極為嫩滑 拍得住係澳牛食到嘅質感 🥚
-
西班牙蛋餅：食落感覺有啲似千層麵 麵皮中間夾住好多薯仔餡 雞蛋 同芝士 材料唔太複雜 但味道卻係一級棒 薯仔控一定唔會鍾意到不得了 唔係誇張 B仔起碼食左8件以上 係全晚最鍾意嘅食物😆
-
雪地陽江：個名好有詩意 其實即係豆豉蒸豆腐 調味調得啱啱好 唔會過鹹 豆腐質感滑溜😛
-
紫薯西米露：紫薯份量好多 西米露質感亦都頗稠 唔會太稀 味道真實 食得出無咩人工添加 亦唔太甜 幾健康😋
-
木棉花冬瓜湯：好少食到全素湯 屋企平時煲湯都總會落一兩舊瘦肉 呢次飲全素湯先發現原來素嘅湯都一樣可以好好飲 冇咗肉味影響之下 蔬菜嘅清甜感更爲突出 且毫無油膩感 飲完覺得好舒服 😌
-
♥︎除咗呢啲之外仲有好多特色素食 例如吉列薯餅 涼拌萵筍 拿玻里薄餅 自製素漢堡扒 自製水果乾 蘇格蘭蛋等等
—
👶🏻B仔整體評價：7.8/10個👍🏻
👶🏻B仔抵食程度：7.5/10個👍🏻
👶🏻B仔環境評分：7.5/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
-----
#swallowhongkong
跟住B仔一齊吞食香港啦！🤤
#swallowcwb
Post
