和聲滬軒

Open Now

Now Closed

和聲一向都係美食天堂，canteen水準可以話係咁多間書院入面最高，估唔到仲有間上海菜餐廳🙈講到滬菜當然唔少得酸辣湯($26)、擔擔麵($68)同小籠包($40/4個)，所以我決定一次過嗌曬佢、做個詳細嘅食評😎酸辣湯嘅賣相的確令我幾失望，用料好少、而且非常杰身，好似勾芡嘅質地😢飲落完全冇酸味，得個辣字，要加好多醋先好味啲😭擔擔麵亦都好快嚟到，但見到個湯底就即時打咗個突，點解會咁清😂睇返QR code個menu，見到張示意圖都係紅色湯底，仲有大量酸菜，嗰刻我覺得佢完全違反商品說明條例🤣個湯係鹹鹹地，有啲似雲吞麵嗰款，肉碎亦都冇話特別好味，甚至覺得調味有啲不足☹️碗麵嚟到我哋都好快試食，但啲麵超級淋，好似完全唔洗咬，總括而言就係唔知呢碗係咩麵💩我哋將最後希望放喺小籠包，好彩都尚算okay，頂頂個接口位唔會好厚，咬落去熱辣辣、好多汁，肉質正常冇話特別彈牙/厚實👌🏻