十八座狗仔粉

Open Now

Now Closed

係荃灣睇完醫生之後，餓餓地諗唔到食乜，就會走去食街（路德圍）搵野食。自己一個通常唔想食咁貴，隨便搵間野食得飽，唔太差既餐廳食就可以，最後揀左呢間「十八座狗仔粉」。我去個時係平日12點左右，一入到去時仲有好多位，無過幾耐，學生同埋上班族放飯，成間舖滿座，好彩早左少少去到啫。細狗仔粉（$22)以家有好多地方都無粉仔食，就算有，好多都唔好食，但呢間味道比我想像中好，似我細細個食開屯門有間好出名既粉仔，係童年既味道呀。食粉仔最鍾意落埋菜甫食，愈多愈好食。如果喜歡嚐辣既，可以加佢地既辣菜甫，但都幾辣下。燒賣（$12/7粒）粉仔份量唔算多，怕唔夠飽可以叫多個小食。呢度燒賣蒸得夠淋，有麻油香，而且都算抵食。呢餐平平地只係食左$34啫，質素唔差，比想像中好，如果好似我咁自己一丁友唔想食咁貴，呢間都係唔錯既選擇。