流水蝦

Open Now

Now Closed

好想食好多野😹除左燒肉之外，最近興起既任食流水蝦似乎都幾好，上網搵到呢間地點就腳既流水蝦，係觀塘地鐵站行去五分鐘左右就會到。餐廳唔算大，但可以食既嘢都幾多😂 每一個卡位隔離都有一個水缸，唔洗離開個位都可以夾到蝦，好開心!！d蝦勁生猛，一夾就彈走，都要比少少技巧先可以夾到佢地上黎。即夾即燒既蝦當然好食啦，肉質彈牙，有d仲有膏添！加埋孜然等調味粉，好惹味！每台客仲有牛肉拼盤同海鮮拼盤，海鮮拼盤都幾新鮮，有鮑魚帆立貝鰻魚等。牛肉拼盤質素唔錯，幾好食👍出面仲有其他海鮮可以夾，例如魷魚、青魚、有殼生壕等等，仲有唔同口味既雞翼、豬肉，可以任夾唔嬲