Video
Read full review
2018-07-19
720 views
早排見到有好多朋友到616呢間火鍋店打邊爐，睇一睇原來都有幾多分店。今次同朋友仔去到黃埔行街，行到又攰又餓，於是就去左打邊爐，貪佢可以慢慢食，又坐得舒服。餐廳有幅好大的壁畫，上面有曾灶財毛筆字，甚有香港的特色，好配合到香港烚下烚下的本土文化。講到最特別，餐廳提供與眾不同的牛肉⋯⋯呢度的牛肉唔係就咁叫牛肉，而係有胸口膀、脖仁、牛朴肉、牛駝峰等等。餐廳仲好貼心咁係餐紙上寫左不同牛部位及所需的烹調時間。食火鍋除左料要靚外，D醬汁都好重要！餐廳除左有葱蒜辣椒外，更有比普通豉油更香的自家鮮牛油醬油及秘製牛肉汁。湯底方面，我們揀左香濃馬來沙爹湯。個沙爹的味道夠曬濃，而且越尾仲keep到，味道夠香而不會辣。朋友仔極力推介的牛肉餃！餃子皮包住無mix其他配料的免治牛肉，肉味夠香夠Juicy！自從係英國食過板腱牛，佢的肉味深深吸引我⋯⋯今次見到有來自澳洲的和牛牛板腱，即刻叫返碟試試！脂肪比較唔算多，所以食落較有口感，加上香濃的肉味，鍾意食重牛味的朋友可以試試。呢個真係第一次聽，係來自澳洲的和牛牛裙肉！呢個的脂肪比頭先多，所以肉質會較淋身。牛香及油香都恰到好處，口感淋得黎牛肉味都有的。呢個見個名咁得意，都
講到最特別，餐廳提供與眾不同的牛肉⋯⋯呢度的牛肉唔係就咁叫牛肉，而係有胸口膀、脖仁、牛朴肉、牛駝峰等等。餐廳仲好貼心咁係餐紙上寫左不同牛部位及所需的烹調時間。
食火鍋除左料要靚外，D醬汁都好重要！餐廳除左有葱蒜辣椒外，更有比普通豉油更香的自家鮮牛油醬油及秘製牛肉汁。
湯底方面，我們揀左香濃馬來沙爹湯。個沙爹的味道夠曬濃，而且越尾仲keep到，味道夠香而不會辣。
朋友仔極力推介的牛肉餃！餃子皮包住無mix其他配料的免治牛肉，肉味夠香夠Juicy！
自從係英國食過板腱牛，佢的肉味深深吸引我⋯⋯今次見到有來自澳洲的和牛牛板腱，
即刻叫返碟試試！脂肪比較唔算多，所以食落較有口感，加上香濃的肉味，鍾意食重牛味的朋友可以試試。
呢個真係第一次聽，係來自澳洲的和牛牛裙肉！呢個的脂肪比頭先多，所以肉質會較淋身。牛香及油香都恰到好處，口感淋得黎牛肉味都有的。
呢個見個名咁得意，都忍唔住叫黎試試。佢的脂肪較集中，食落比較爽口，食落又幾攪笑，值得一試。
一般我都會叫份油脂較豐富及均匀的牛肉，呢份澳洲和牛牛胸肉就非常岩我心水！由於油脂佈滿牛肉片，食的時候比較淋身，有入口即溶的口感。
最後一讚的係呢份牛丸！睇落平平無奇的牛丸，口感夠晒爽口彈牙，食落仲有肉汁pe出黎tim，認為係必食Item！
==============================
鍾意我分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)
Post
