Video
Read full review
2017-05-07
308 views
有時做嘢真係做到唔夠時間食lunch。。。要匆匆忙忙買個包就算！原來公司附近開咗一間新嘅麵包店，聽同事講品質幾好，趕住起貨嘅我極速落去買黎試吓！門面唔太大，但好有外國feel！題外話，我買嘅時候都有好多外國人幫襯！唔知同門面有無關係呢？入面包嘅種類不少，而且大大個！除咗麵包之外仲有好多唔同口味嘅曲奇！每款曲奇仲可以問職員試吓口味！不過今日真係太趕，會留返下次再試！原來呢度除咗麵包曲奇之外，仲有少少飲品！已咖啡同花茶為主，好啱我呢啲OL嘅口味！價錢仲要好平！呢度仲有set lunch外賣！$35平過咖啡店好多！我選擇咗一個黑椒雞漢堡！貪佢夠飽肚，而且包得密密實實好有神秘感！打開之後傳出陣陣嘅香味，摸上手麵包好鬆軟！打開入面有大量嘅黑椒雞肉餡！雞肉已經切成絲狀。初頭第一口真係覺得好好味！麵包真係十分之鬆軟又有牛油香！中間雞肉嘅份量剛好， 有咬口！黑椒令整個包更加惹味！番茄同埋青瓜都非常新鮮！呢個漢堡大大個！女仔當lunch絕對夠飽！除咗lunch之外，見到佢有個紅豆綠茶包非常之吸引， 就買返屋企食同屋企人分享！呢個紅豆綠茶包份量好大，紅豆好多而且食到豆衣！唔會太甜。麵包滲出淡淡嘅綠茶香。另
門面唔太大，但好有外國feel！題外話，我買嘅時候都有好多外國人幫襯！唔知同門面有無關係呢？
入面包嘅種類不少，而且大大個！
除咗麵包之外仲有好多唔同口味嘅曲奇！每款曲奇仲可以問職員試吓口味！不過今日真係太趕，會留返下次再試！
原來呢度除咗麵包曲奇之外，仲有少少飲品！已咖啡同花茶為主，好啱我呢啲OL嘅口味！價錢仲要好平！
呢度仲有set lunch外賣！$35平過咖啡店好多！
我選擇咗一個黑椒雞漢堡！貪佢夠飽肚，而且包得密密實實好有神秘感！
打開之後傳出陣陣嘅香味，摸上手麵包好鬆軟！
打開入面有大量嘅黑椒雞肉餡！雞肉已經切成絲狀。初頭第一口真係覺得好好味！麵包真係十分之鬆軟又有牛油香！中間雞肉嘅份量剛好， 有咬口！黑椒令整個包更加惹味！番茄同埋青瓜都非常新鮮！呢個漢堡大大個！女仔當lunch絕對夠飽！
除咗lunch之外，見到佢有個紅豆綠茶包非常之吸引， 就買返屋企食同屋企人分享！呢個紅豆綠茶包份量好大，紅豆好多而且食到豆衣！唔會太甜。麵包滲出淡淡嘅綠茶香。
另外仲買咗一個light d嘅早餐， 係紅莓亞麻籽包。同樣超級鬆軟！入面有少少紅莓同提子乾，麥味好香。
但要數最令我驚喜嘅係呢杯紫玫瑰花茶！花茶嘅花香味好清新！店員仲幫我加左少少蜜糖，同花茶嘅清香味道好夾！真係好好味！飲完之後仲可以加熱水refill！職員話呢包茶包飲一日都可以！結果我真係飲到放工都仲有味！可以講話係超值！
呢度嘅麵包早餐午餐都真係一流！真係好香好鬆軟！我一定會為咗杯花茶而再來光顧！
Post
