龍皇酒家 (Mikiki) (Closed)

今晚到新蒲崗新開的龍皇食飯，感覺不錯！訂了二人枱，被安排坐於一角，比較清靜，可以細細聲傾偈！叫了老虎蝦二食、海山骨、啫啫生菜！老虎蝦二食:一個用蝦膏煮蝦身，蝦肉鮮美爽脆，牛油蝦膏香味樸鼻，要order多一個白飯，連汁都撈埋！蝦頭則用黑松露醬煮，香味濃郁，但個人比較喜歡蝦身的醬汁味道。海山骨，南乳味濃郁，有點乾身，但肉筫及味道都很好！啫啫生菜㷛有點蝦醬味，再加上蝦亁，非常惹味，而生菜則爽脆，值得一試！但價錢相比以前，同樣價錢已經可以食二人鮑參翅肚餐，真不可小看名氣及marketing的作用！