巴依餐廳

Open Now

Now Closed

朋友推薦嘅新疆菜餐廳，話一定要訂位先入到，不過如果你早少少打去訂位都冇乜問題，而家我見到有人都係差唔多六點佢即將開門嘅時候去排隊都入到去😌其實一直都好想試大盤雞，但係香港都冇乜新疆菜，難得嚟到西環就諗住試吓，由於我接受唔到羊嘅騷味，我喺入門口之前就已經同朋友講我淨係食雞，入到去之後唔覺得有羊嘅味道但係好重嘅孜然味同烤肉味。坐低我哋就嗌左一個大盤雞，一碟羊肉串（我朋友要嘅），同一個原味酸奶（幾一般，如果唔係特別鍾意酸奶嘅可以唔使試）。大盤雞好好食而且好大盤😂😂 我哋食咗一半之後佢就上咗一碟寬面俾我哋倒落去，個面佔咗啲辣嘅汁之後非常入味，跟住我哋開始後悔一開始食咗太多佢入面嘅薯仔。羊肉串實在係重點，作為一個唔食羊嘅人，竟然比佢嘅香味吸引咗，所以我決定試少少，點左好多佢隔離嘅孜然，最後發現佢完全吾騷只有烤肉嘅香味，最後我食咗一半❤️❤️❤️ 唯一嘅缺點就係太少，9X 得兩串。