Video
Read full review
2020-09-08
2225 views
踏入九月，新冠疫情有所放緩；晚市堂食雖廷至九時，惜最多二人一枱規限未有放寬。家嚴長期待在家中亦有所微言，見近數日感染人數回落至單位數字，問老人家是否想去飲茶。一如所料即時回應叫好，仲話帶我依啲乞兒女去陸羽見識見識。諗都冇諗過佢會雀躍至此。久有聽聞陸羽茶室主打名流富商熟客，大眾食客並非主打客戶群，不過做咗咁多年人都未去過，家嚴雅興亦有所宣洩，一於就去見識下。正午十二時踏入茶室地下，眼見只有三兩席有座客，知客侍應即表示地面所有位置已被客人預留，須轉上三樓。步上樓上途中老父不忘解說茶樓歷史， 細數牆上掛滿上世紀落難書生、名將的丹青墨寶，樓梯位上掛著牡丹王 張劭石 的作品更特意要我停低欣賞一番。座低開茶問茶壼或焗盅；見茶價每位$36 就一於玩玩已為數不多嘅焗盅茗茶。家嚴亦二話不說即點半隻 玫瑰豉油雞；未上枱已話此店雞肉香滑非其他食店可比。的確入口較一般肉香嫩滑肥瘦均而且醬油香味濃淡適中、香味持久。加點四個點心，鮮牛肉燒賣即係山竹牛肉，牛肉鬆軟有彈性有牛肉味無鬆肉粉味。 揚州煎蝦餅 蝦滑鮮味十足，煎完都唔覺油膩。叉燒軍機酥 外皮酥香鬆之餘份量照樣保留上世紀八十年代酒樓嘅點心大細，叉燒都大塊啲。釀
久有聽聞陸羽茶室主打名流富商熟客，大眾食客並非主打客戶群，不過做咗咁多年人都未去過，家嚴雅興亦有所宣洩，一於就去見識下。
正午十二時踏入茶室地下，眼見只有三兩席有座客，知客侍應即表示地面所有位置已被客人預留，須轉上三樓。
步上樓上途中老父不忘解說茶樓歷史， 細數牆上掛滿上世紀落難書生、名將的丹青墨寶，樓梯位上掛著牡丹王 張劭石 的作品更特意要我停低欣賞一番。
座低開茶問茶壼或焗盅；見茶價每位$36 就一於玩玩已為數不多嘅焗盅茗茶。
家嚴亦二話不說即點半隻 玫瑰豉油雞；未上枱已話此店雞肉香滑非其他食店可比。
玫瑰豉油雞半隻
$290
93 views
1 likes
0 comments
的確入口較一般肉香嫩滑肥瘦均而且醬油香味濃淡適中、香味持久。加點四個點心，鮮牛肉燒賣即係山竹牛肉，牛肉鬆軟有彈性有牛肉味無鬆肉粉味。
牛肉燒賣、蝦餅、叉燒酥
89 views
1 likes
0 comments
揚州煎蝦餅 蝦滑鮮味十足，煎完都唔覺油膩。叉燒軍機酥 外皮酥香鬆之餘份量照樣保留上世紀八十年代酒樓嘅點心大細，叉燒都大塊啲。釀豬潤燒賣 舊燒賣豬肉充滿彈性肉香十足。
釀豬潤燒賣
$60
119 views
2 likes
0 comments
彷彿每啖咬落都返回昔日小孩的日子。
其實加埋每位$36 茶價，兩個人成七舊水飲餐茶確係貴咗啲，不過有得一睹多份大師級墨寳作品之餘又買到家嚴嘅快樂乜都底返晒啦。
Post
