Video
Read full review
2024-09-14
28 views
食左好多年嘅甜品店，同朋友喺屯門食完飯嘅指定動作，有時明明唔係要去嗰度附近都會專登落車買返屋企，因為真係好好食👏🏻 今次又同朋友去食，忍唔住叫到成檯都係。 🟥 岩鹽拖肥Oreo 鮮忌廉窩夫呢個窩夫真係一定要試，佢個拖肥唔會太甜，上面仲加咗香脆嘅果仁同曲奇，同鬆軟嘅窩夫真係好夾。對於我地呢啲Oreo控，仲要連雪糕都揀埋曲奇味，食完真係相當滿足。🟨 焦糖脆脆花生醬甜奶鮮忌廉窩夫每次嚟嘆甜品我都要食呢個，係格仔餅嘅高配版，佢地落焦糖脆脆真係唔手軟，超多！個窩夫真係好蛋同麵粉香！今次我再加埋麻糬係入面，口感再豐富咗！我仲配埋豆腐味雪糕，都幾正！🟧 鐵觀音茶醬麻糬窩夫首先一嚟已經比佢menu個賣相吸引咗，實物都真係好靚！佢最特別嘅係麻糬就咁成塊上碟，煙煙韌韌，麻糬控一定唔可以錯過！佢另一個重點鐵觀音茶醬都真係有好香濃嘅茶味，唔會死甜，配埋窩夫就啱啱好。雪糕我就揀咗呢排大熱嘅開心果味，都好正。 🟫 炸燒賣 （椒鹽）、波波拼盤 （麻辣）又係必叫項目，燒賣配埋泰式醬真為好惹味！朋友鍾意食麻辣，所以波波就揀左麻辣粉，裡面有燒賣、花枝丸、魚蛋同薯條，個人覺得麻辣味可以再強啲會更惹味。🟨 鹽酥雞粒、炸雞軟骨
🟥 岩鹽拖肥Oreo 鮮忌廉窩夫
呢個窩夫真係一定要試，佢個拖肥唔會太甜，上面仲加咗香脆嘅果仁同曲奇，同鬆軟嘅窩夫真係好夾。對於我地呢啲Oreo控，仲要連雪糕都揀埋曲奇味，食完真係相當滿足。
🟨 焦糖脆脆花生醬甜奶鮮忌廉窩夫
每次嚟嘆甜品我都要食呢個，係格仔餅嘅高配版，佢地落焦糖脆脆真係唔手軟，超多！個窩夫真係好蛋同麵粉香！今次我再加埋麻糬係入面，口感再豐富咗！我仲配埋豆腐味雪糕，都幾正！
🟧 鐵觀音茶醬麻糬窩夫
首先一嚟已經比佢menu個賣相吸引咗，實物都真係好靚！佢最特別嘅係麻糬就咁成塊上碟，煙煙韌韌，麻糬控一定唔可以錯過！佢另一個重點鐵觀音茶醬都真係有好香濃嘅茶味，唔會死甜，配埋窩夫就啱啱好。雪糕我就揀咗呢排大熱嘅開心果味，都好正。
🟫 炸燒賣 （椒鹽）、波波拼盤 （麻辣）
又係必叫項目，燒賣配埋泰式醬真為好惹味！朋友鍾意食麻辣，所以波波就揀左麻辣粉，裡面有燒賣、花枝丸、魚蛋同薯條，個人覺得麻辣味可以再強啲會更惹味。
🟨 鹽酥雞粒、炸雞軟骨
雞粒份量多，炸到鬆鬆脆脆，點埋泰式醬，大家勁快就清咗成碟！炸雞軟骨就正常發揮。
🟪 脆Q地瓜球
勁大粒！外脆內煙韌！裡面中心好似有啲芋泥咁好好食！
🟦 港式懷舊咖哩三寶
豬皮夠軟淋，蘿蔔都幾甜，魚蛋就普通，不過個醬汁唔係普通咖哩，係加埋平時食雞翼尖果浸蒜蓉辣椒味，夠晒惹味冇得輸！
🟩 飲品
近排盡量少飲凍嘢，估唔到呢度都有熱飲選擇，我揀咗蜜桃茶，好香又唔甜。我朋友就揀咗杯都唔錯嘅益力多乳酸，同埋杯超啱打卡嘅「藍天白雲」，個樣勁靚！佢話飲落去酸酸甜甜咁，好舒服同解膩。
Post
