旅鍋火鍋私房菜專門店 (Closed)

朋友搵咗呢間裝修好得意嘅火鍋餐廳，係以旅行做主題，一行到入餐廳就有登機牌，好似去咗機場咁，落到餐廳就有唔同國家嘅名勝做主題，都幾煥然一新，因為香港暫時都冇乜呢啲餐廳餐廳嘅食物選擇都幾多，除咗有食火鍋都會有嘅大路配料，海鮮，手切牛肉，仲有啲香口嘅小食~ 由於我哋得兩個人，所以都唔係嗌咗太多嘢食~ 朋友係牛魔王，我哋叫咗兩碟牛，少少海鮮同埋椒鹽粟米，仲要比較罕見嘅水蓮~ 其中最令我有驚喜嘅係大蜆，非常新鮮，肥厚多肉又鮮甜，必叫之選至於手切牛肉都好足料，肉質偏瘦所以肉味幾濃~ 水蓮由於唔係度度都有得食，都建議大家叫，吸咗湯之後好爽脆~ btw餐廳仲有k房，見到有一大班人一路食火鍋一路唱K好似好開心咁，啱晒一大班朋友來聚會食完呢餐之後又旅行癮起，即刻返去睇吓機票幾錢