Video
Read full review
2014-07-17
3590 views
韓風在港氣勢有增無減, 加上’來自星星’魅力迫人, 似乎韓國劇集, 化妝品, 護膚品甚至料理都有好大市場. 韓國料理, 大家一定會諗起韓燒, 諗起韓燒就會諗起’漢陽院, 高麗安娜’ 之類, 冇咩特色, 味道一般, 食材一般, 環境一般, 仲要好油膩.位於旺角的OPPA就打破悶局, 東主親自到韓國取經, 由裝備桌椅到食材飲品都參考當地韓燒, 感覺地道. 雖然我沒到過韓國, 但驟眼見其格局跟我在’滋味行’看到的差不多.食材都選用上等貨色, 入坐時店員會介紹一下餐牌, 提議食五花肉時可用生菜, 加大醬包起來食, 減低油膩感. 酒精類飲品亦有多種選擇, 燒酒, 清酒, 覆盤子酒, 山楂酒, 人蔘酒, 梅酒. 啤酒有Carlsberg, Kronenbourg 1664 Blanc. 本人覺得食熱辣辣的韓燒, 飲啤酒最適合, Kronenbourg 1664 Blanc 比Original 淡味, 口感清新, 無苦澀味, 帶有花, 檸檬及菠蘿香氣, 難怪店員都說這啤酒大賣.我們當日點了A4和牛 150g, $208, 抵食, 必要之選. 在鐵板上輕輕煎,入口即溶, 加少許海鹽提味,美味到不行,
位於旺角的OPPA就打破悶局, 東主親自到韓國取經, 由裝備桌椅到食材飲品都參考當地韓燒, 感覺地道. 雖然我沒到過韓國, 但驟眼見其格局跟我在’滋味行’看到的差不多.
食材都選用上等貨色, 入坐時店員會介紹一下餐牌, 提議食五花肉時可用生菜, 加大醬包起來食, 減低油膩感. 酒精類飲品亦有多種選擇, 燒酒, 清酒, 覆盤子酒, 山楂酒, 人蔘酒, 梅酒. 啤酒有Carlsberg, Kronenbourg 1664 Blanc. 本人覺得食熱辣辣的韓燒, 飲啤酒最適合, Kronenbourg 1664 Blanc 比Original 淡味, 口感清新, 無苦澀味, 帶有花, 檸檬及菠蘿香氣, 難怪店員都說這啤酒大賣.
我們當日點了A4和牛 150g, $208, 抵食, 必要之選. 在鐵板上輕輕煎,入口即溶, 加少許海鹽提味,美味到不行, 食完一件就立即再order一個. 店員不時會幫食客處理食材, 清理鐵板, 服務週到. 例如原隻魷魚比較難處理, 店員會到場煎好, 分給食客. 銀鱈魚扒油脂豐富, 口感嫩滑. 什錦牛肉拼盤裡我最欣賞牛排骨, 廚師將排骨肉片成薄薄一卷, 用特色醬料腌過, 非常惹味. 五花肉大大件, 用慢火煎到皮脆金黃色, 用生菜,加少許大醬, 辣椒包起一齊食, 豬油的香味把我減肥大計通通拋諸腦後. 牛小腸別具特色, 有點似豬粉腸, 但比較有嚼勁, 腌料帶微辣, 減低腥味, 煎好金黃色, 小許脆皮, 喜歡內臟的一定要試. 多春魚比我見過大條得多, 飽滿得很. 最後來個鐵板炒飯, 店員於食客面前炒, 令人垂涎, 加入紫菜碎, 海鹽, 一流. 還有, 記得留意鐵板邊的蛋漿, 當你一邊燒肉, 那邊的蛋就慢慢熟, 大概見蛋邊緣熟, 面開始乾就可以大快朵頤.
雖然韓燒不算甚麼高技巧料理, 只要用料上乘, 味道就有水準. 個人認為, 注意健康的香港人, 反正食韓燒就是比較油膩, 便宜的, 沒質素的, 都是肥, 那就乾脆吃個有水準, 有服務的OPPA韓燒, 偶爾一次, 為生活加點味道, 肥得來都值得.
Post
