Video
Read full review
2024-01-28
2146 views
睇食評有好有衰，但朋友係12/23食過好味，推介我地去食，咁我拉咗家人去試下。當晚我地5:45pm到達，但人地未營業，員工食飯中，我地只好係門口罰企。踏正6pm，我地才衝入去，估5到係叫我地7條入廳房坐。我地叫咗”商務套餐” (每位＄318加一)，有7餸1翅1飯。諗住星期日會多人食，但只得7-8枱客，全部都入廳房坐，所以大廳係吉既～係威係勢先上咗1翅1餸後，我地就開始食法國菜既模式。。。。開始等。。。好。。。耐。。。。才。。。上。。。一。。。碟。。。坦白講，我覺得私房菜係上菜快，等你地快走。可能當晚無乜客，你急佢5急。但要等半粒鐘才上第3道菜，食完又要等20-30分鐘再上第4道菜，直至最後3樣食材才可以10分鐘內連住上菜。真係呆坐到涷和眼瞓。。。睇住不停斷信號既電視節目，由雲岡佛像睇到中年好聲音，大家也由不停吹水變成呆滯。雖然食 buffet都係幾粒鐘，但係可以不停有嘢食，跟我等食既情況真係兩碼子。。。。。我不停倒數仲有幾多道菜未上。。。講返服務態度，係ok。雖然佢地上菜慢，但態度都好，有問有答，語氣溫和。講食物質素，有出色有5掂：1. 雞燉翅(5/10分)：翅係好大梳，仲有一梳侍應阿
當晚我地5:45pm到達，但人地未營業，員工食飯中，我地只好係門口罰企。踏正6pm，我地才衝入去，估5到係叫我地7條入廳房坐。
我地叫咗”商務套餐” (每位＄318加一)，有7餸1翅1飯。諗住星期日會多人食，但只得7-8枱客，全部都入廳房坐，所以大廳係吉既～
係威係勢先上咗1翅1餸後，我地就開始食法國菜既模式。。。。開始等。。。好。。。耐。。。。才。。。上。。。一。。。碟。。。
坦白講，我覺得私房菜係上菜快，等你地快走。可能當晚無乜客，你急佢5急。但要等半粒鐘才上第3道菜，食完又要等20-30分鐘再上第4道菜，直至最後3樣食材才可以10分鐘內連住上菜。真係呆坐到涷和眼瞓。。。睇住不停斷信號既電視節目，由雲岡佛像睇到中年好聲音，大家也由不停吹水變成呆滯。雖然食 buffet都係幾粒鐘，但係可以不停有嘢食，跟我等食既情況真係兩碼子。。。。。我不停倒數仲有幾多道菜未上。。。
講返服務態度，係ok。雖然佢地上菜慢，但態度都好，有問有答，語氣溫和。
講食物質素，有出色有5掂：
1. 雞燉翅(5/10分)：翅係好大梳，仲有一梳侍應阿姐弄跌在枱面，蝕！但雞味無乜，失色。。。
2. 蝦多士(2/10分)：5掂！d 油完全鎖係麵包里，所以一咬就油份全部溢出來。。。。
3. 花雕蛋白蒸長腳蟹(10/10分)：本來係避風塘炒蟹，但等咗30分鐘，我地出去催過。之後，阿姐拎呢碟蛋白蟹入來，講升級俾我地。哈。。。其實我見到左右廳房遲過我地黎既客，都仍食呢個，我估廚師一齊整，無時間再開鑊炒蟹。不過，係整到幾好食，呢30分鐘等待都值得
4. 崩沙腩(10/10分)：好搞笑佢嗰碟底放咗蠟燭，應該係點著保溫，但佢無點火就上枱。5緊要，因為吃完蟹後又等咗20分鐘，大家都餓，所以一上菜就立馬起筷。腩係腍又入味，餸汁好味，正
5. 酥炸生蠔(10/10分)：呢個都得，粉漿薄又炸得鬆化。蠔本身大隻又 juicy，讚🤤
6. 咕嚕肉(4/10分)：賣相靚，可是沾粉厚咗，又炸得過火，所以有d實
7. 蒸海斑(8/10分)：本來係雲腿玉樹蒸海斑。。。但上枱，只係得豉油，腿5見、玉樹也5知去咗邊。不過，我地5理。。。有餸上枱已感恩，都係斑，只係5同煮法，算吧。。。條斑係蒸得恰到好處，d肉係滑。不過，佢地用咸豉油，5係用甜豉油，所以扣分😅
8. 瑤柱扒時蔬(6/10分)：瑤柱菜芯，賣相失色，調味ok。可是。。。芡汁形成一嚿嚿膠狀，5太掂
9. 飄香炒飯(8/10分)：飯粒分明，還可以~
飯後甜品係。。。冰涷甜橙😂
雞燉翅
33 views
0 likes
0 comments
崩沙腩
36 views
0 likes
0 comments
咕嚕肉
43 views
0 likes
0 comments
花雕蛋白蒸蟹
151 views
0 likes
0 comments
酥炸生蠔
72 views
0 likes
0 comments
飄香炒飯
68 views
0 likes
0 comments
蒸海斑
43 views
0 likes
0 comments
瑤柱扒時蔬
54 views
0 likes
0 comments
蝦多士
35 views
0 likes
0 comments
Post
