Video
Read full review
2009-07-10
64 views
尋日(9-7-2009 Thur)放工後,join男友一齊去醫院睇爸爸,全家人都o係o度,睇完就去食晚飯啦.佢o地鎖定o係荃灣食,食咩呢?七個人就唔可以去太迫o既地方坐,大嫂問姪女想食咩?呢樣唔食,o個樣又唔食o既姪女又話要鋸扒,咁一食扒王之王,一係歌德.咁就歌德啦.o黎到,又係坐上年6月o黎o既o個張枱,我o地叫o左七個餐,除o左我之外,佢o地個個都係叫有吉列蝦o既鐵板餐,我就叫o左精選晚餐,要$78.00o既香草豬豚柳配三文魚.男友要七成熟o既紐西蘭羊扒,大哥二哥都係西冷扒,大嫂就要豬扒,而二嫂同姪女我就唔知要咩,不過另加兩碟意粉.好快,法包先到o黎,有件係好燶o既,大哥要o左,食落,係咩都冇揸,就咁一件焗法包,攪咩?不過好脆同好熱.之後係佢o地餐o既沙律到o黎,姪女唔食畀我食,全部係蔬菜,有羅馬菜,粟米,青瓜條,胡蘿蔔條,千島醬另上,自己唧落去.啲蔬菜幾新鮮,食完覺得好凍,因為雪到好凍,而份量係碟碟唔同,一啲多一啲少.然後係湯,我要忌廉湯o既,料都幾夠,有蜆肉同啲薯仔咁,好諗,都唔錯.佢o地o既餐都到o黎,侍應上第一份o既係七成西冷,問係邊個o既,我o地冇人應佢,所象中七成熟o既
o黎到,又係坐上年6月o黎o既o個張枱,我o地叫o左七個餐,除o左我之外,佢o地個個都係叫有吉列蝦o既鐵板餐,我就叫o左精選晚餐,要$78.00o既香草豬豚柳配三文魚.男友要七成熟o既紐西蘭羊扒,大哥二哥都係西冷扒,大嫂就要豬扒,而二嫂同姪女我就唔知要咩,不過另加兩碟意粉.
好快,法包先到o黎,有件係好燶o既,大哥要o左,食落,係咩都冇揸,就咁一件焗法包,攪咩?不過好脆同好熱.
之後係佢o地餐o既沙律到o黎,姪女唔食畀我食,全部係蔬菜,有羅馬菜,粟米,青瓜條,胡蘿蔔條,千島醬另上,自己唧落去.啲蔬菜幾新鮮,食完覺得好凍,因為雪到好凍,而份量係碟碟唔同,一啲多一啲少.
然後係湯,我要忌廉湯o既,料都幾夠,有蜆肉同啲薯仔咁,好諗,都唔錯.
佢o地o既餐都到o黎,侍應上第一份o既係七成西冷,問係邊個o既,我o地冇人應佢,所象中七成熟o既男友叫o既紐西蘭羊扒,大哥見冇人應就是但要啦,之後就兩倨唔知幾多成o既西冷,大哥聽到話:咦,呢個係我喎.咁佢就換返佢叫o既西冷,而七成西冷應該係畀錯,除o左我同男友o既餐未到外,其他o既都上齊,最後另一位侍應奉住一個鐵扒餐話七成紐西蘭羊扒,係男友o架啦,即係之前o個個係畀錯.
男友一切開羊扒,就話好腍,應該落o左鬆肉粉,我試吓佢啲薯條,好熱,o岩o岩炸起.羊扒真係好鬆軟,而味道好似唔夠,就只有燒汁味.
我o既香草豬豚柳配三文魚意粉終於到o黎,意粉唔係好多,成個主菜冇汁o既,但意粉好油,食落,係用橄欖油煮o既,因食到好勁橄欖油味,而三文魚水準一般,冇問題;豬豚柳鹹鹹地同爽,又幾好味喎.
二哥話佢o既西冷好生,似兩成熟,而大哥都話比佢叫o既生,哈.
最後侍應放低六個甜品,係一件白色磚狀糕點,上面淋上朱古力漿.大嫂話飽唔食,畀我食.啊,我試吓先,原來係一件杏仁味大菜糕之類o既o野,杏仁味濃亦唔太甜,配合唔甜o既朱古力漿,竟然出奇地夾.件大菜糕又係雪得好凍,而且一樣係一件大一件細咁.
環境:
一入到o黎就嗅到煙味,坐低冷氣又好凍.
服務:
全部都係後生仔女,都OK冇問題
埋單係六百幾.
Post