羅富記粥麵專家 (Closed)

其實真係一般囉，又多味精，煲粥煮麵啫，唔使落成斤味精呀，食完又口渴。中環皇大道中卑利街旁邊、即余仁生總行同一條街嗰間嗰個肥婆收銀，剩係掛住不停數錢，唔理啲客，入錯單仲要閙番客轉頭，大聲又無禮貌，仲要講埋粗口，俾錢嗰陣話唔收散銀，嘩！我無俾毫子喎，係5文、10文大餅，而且鋪頭門口及收銀度根本無告示話唔收「散銀」，就算有標語告知又唔係俾毫子，最最最過份係講哂「粗口」，所以呢間所謂「羅富記粥麵專家」，我下次一定唔會幫嚫，因為飲食水平極差、服務員態度惡劣。