Puzzle Dining & Cafe (Closed)

經過馬鞍山，見到新港城中心開咗間新嘅餐廳叫Puzzle Dining & Cafe就入去試下。今次order咗鹹蛋黃單骨雞翼、煙肉芝士焗薯皮、龍蝦汁蟹肉意大利飯配天婦羅蝦，飲品要咗哥倫比亞咖啡，而甜品叫咗五人足球缺一不可。鹹蛋黃單骨雞翼食起上嚟好方便，而且有香濃嘅鹹蛋黃味特別香脆。煙肉芝士焗薯皮就有濃郁嘅芝士撈埋煙肉，再加埋薯皮食帶出唔同嘅層次，煙肉夠香芝士夠濃，會有不斷想食嘅感覺。龍蝦汁蟹肉意大利飯配天婦羅蝦就係鍾意食蝦蟹嘅我一大喜訊 ，成個意大利飯都好有海鮮嘅味道，而意大利飯亦都恰到好處軟硬適中。哥倫比亞咖啡就比一般嘅咖啡更加香濃，而五人足球缺一不可甜品就係五個蛋糕加一 球雪糕，絕對係打卡之選小朋友至愛。