天勝 (Closed)

今天午膳心儀日本料理，順理成章到Openrice走一趟，選定謝斐道的天勝。店內座位不算多，預早訂枱比較穩妥。幸運地即日早上book枱(3位)也能成功。午市套餐十數款，價錢七八十元起。一客定食除主菜外，亦包括前菜、沙律、漬物、味噌湯、白飯及生果。前菜有兩款，分別是一小碟蘿蔔及一小碟菠菜，味道清清淡淡，OK喇！沙律是生菜配上香醋汁，雖賣相麻麻，但味道酸酸地都挺醒胃嘅。味噌湯濃淡恰宜。主菜雜錦刺身，有五款(魚、油甘魚、甜蝦、帶子及吞拿魚)，各兩件，份量不多，刀功只屬一般，但新鮮程度不俗，各款刺身都幾甜美好食，都值得試試嘅。