Video
Read full review
2007-08-16
29 views
呢間燒臘飯店開半年左右,兩年幾前,其實呢間鋪個老闆,係教育路裕榮徑,仲尚在經營果間【齒留香】前老闆。之不過佢兩年幾前,我個人覺得生意唔錯下,頂手俾現任老闆之嘛!以我所知...裕榮徑果間【齒留香】,應該同呢一間唔同老闆,但肯定兩個老闆都係相識。裕榮徑果間【齒留香】,我以前成日幫襯,因冇堂食所以我只有買外賣,果時自己成日買飯盒食。有時返阿媽度食飯,我會斬$20元叉燒返去加料,果時叉燒好正好淋,連我所剩無幾牙阿媽,都話易咀嚼兼好食。但頂手後我就只幫襯過一次,一次之後就已經唔再幫襯,即係唔駛講到明啦!今日帶同我七十多母親去幫襯,入到去最初感覺冷氣唔夠凍,並發現鋪內一把風扇都冇,之後坐一陣,鋪內負責人再開多一部分體冷氣,先開始感覺ok夠涼。好心裝幾把掛牆扇啦,唔駛開咁大冷氣慳電好多嘛。我幫我阿媽叫【鴛鴦雞飯+菜乾豬骨湯$17元】,而我就叫【叉切雞飯+凍奶茶$20元】。先講【鴛鴦雞飯=切雞豉油雞雙拼飯】,兩款雞都好少份量,肉質好普通及普通新鮮,冇哩味道但好在唔肥,白飯淋上豉油汁極少,蔥油反而較多,雖然唔係太掂,但一諗起咁價錢就無話可說。例湯【菜乾豬骨湯】,淡而無味煲時間絕對唔夠,好似滾菜湯咁,完全
裕榮徑果間【齒留香】,我以前成日幫襯,因冇堂食所以我只有買外賣,果時自己成日買飯盒食。有時返阿媽度食飯,我會斬$20元叉燒返去加料,果時叉燒好正好淋,連我所剩無幾牙阿媽,都話易咀嚼兼好食。但頂手後我就只幫襯過一次,一次之後就已經唔再幫襯,即係唔駛講到明啦!
今日帶同我七十多母親去幫襯,入到去最初感覺冷氣唔夠凍,並發現鋪內一把風扇都冇,之後坐一陣,鋪內負責人再開多一部分體冷氣,先開始感覺ok夠涼。好心裝幾把掛牆扇啦,唔駛開咁大冷氣慳電好多嘛。
我幫我阿媽叫【鴛鴦雞飯+菜乾豬骨湯$17元】,而我就叫【叉切雞飯+凍奶茶$20元】。
先講【鴛鴦雞飯=切雞豉油雞雙拼飯】,兩款雞都好少份量,肉質好普通及普通新鮮,冇哩味道但好在唔肥,白飯淋上豉油汁極少,蔥油反而較多,雖然唔係太掂,但一諗起咁價錢就無話可說。例湯【菜乾豬骨湯】,淡而無味煲時間絕對唔夠,好似滾菜湯咁,完全唔掂。我老媽子直頭,一路食一路擰哂頭添...哈!
再講我自己果碟【叉切雞飯】,切雞同以上所講一樣。而叉燒真係好差,乾錚錚又硬又剩,完全唔淋又少少肥都冇,難食呀!但我果碟飯,可能有叉燒關係,佢反而比我阿媽果碟,淋多好多豉油汁,而蔥油都係唔少,鍾意食撈埋幫助送飯都好過冇。凍奶茶反而有少少驚喜,以一間燒臘飯店,跟一碟飯$17元+$3元,就可以另叫咖啡或茶,其實真係好抵。杯凍奶茶唔可以講好好飲,但我個人都覺值70分以上,而家大大杯份量唔細，所以惟一一樣我覺得,係杯凍奶茶值得我回味。
以燒臘店質素真係唔掂,但以咁平價錢,有堂食有冷氣有茶水算係咁,如果貪方面趕時間,經過呢度附近又貪平,去呢度食碟飯都ok。雖然食品質素唔高,但我阿Q精神,佢全部燒臘都唔肥好瘦,幫襯佢會較其他燒臘店健康,但係一定唔好食囉。唔明點解仲差過前一手鋪?就算將貨就價,都冇理由差咁多卦?
服務方面,一入去坐低有杯熱茶招呼,已經符合我基本服務要求。今日唔見我話果個老闆,只見鋪內有二男一女,一男企檔斬切食物,另一高佬及一阿姐,負責(侍應)企堂一職。
我見企檔果位唔係好熟手,手腳都幾生手及慢,但佢幾勤力,佢得閒仲會行出去執。佢同高佬應該兩兄弟,企檔應該係阿哥...而高佬應該係細佬,高佬我覺得佢較懶惰,佢做懶懶散散,見到客離開都唔執,咁做點得!?就算佢係老闆都唔可以咁啦,何況佢可能打工添?!
阿姐工作就一般不過不失啦! 佢係負責哂堂食、收錢、水吧茶水及執。
總括講, 貪平咁經過附近,見有位唔多人,都可以偶爾當填飽肚幫襯下!或貪佢杯茶飲得下囉~
Post
