蒲公英和牛專門店

Open Now

Now Closed

Openrice食評唔算好標青，但睇到有條Youtube片，見到唔少人買呢度嘅生餃，令餃子控嘅我心動🙊，既然去開觀塘，就順便買盒餃😏。呢度嘅餃子皮可以揀厚皮或薄皮，我自己不嬲都中意食皮薄滿餡嘅餃子，留意到呢度嘅薄皮寫住可煎可烚，令我減少選擇嘅煩惱，直接買雙拼薄餃!!白菜拼韭菜薄餃 $58/15隻唔係即叫即包，係冰櫃拎出嚟，早知我就帶個保凍袋嚟😐，係大熱天時拎左三個鐘先番屋企。自己平時食開餃子屋，所以覺得呢度嘅餃子比較細，係餃子屋嘅三分一。第一眼望去，有灣仔碼頭FEEL😅，但個皮薄D。烚餃睇得出餃皮好薄，入口幾滑，不過餡料唔飽滿，菜肉比例接近1:1，油膩感較高。白菜餃洋蔥味較出，似洋蔥餃多。整煎餃果陣明顯出油較多。至於係咪黑豚肉，我真係食唔出🤔，兩款餃味道正常，無記憶點，加上近年餃子店選擇太多，應該唔會再買🙉。