Mr. Steak Buffet à la minute

Open Now

Now Closed

馬騮們考完試，要放鬆一下！帶佢哋去食自助餐！開心死佢哋！揀係Mr.Steak集團，因為對佢哋嘅自助餐有信心！因為人多關係，所以一早訂位！餐廳要求先入數做訂金，再傳真入數紙作實，我哋訂頭圍，當日準時到，呢間me.steak分店未來過，門口有放公仔秋千，好田園，個個爭住影相，之後入座，餐廳安排一排向窗嘅長枱比我哋四家人，唔迫又有海景睇，而且好近食物區（可能早訂位）食物種類好多，基本上每款試一啖都飽，最多人嘅一定係生蠔同刺身，而家好多酒店都唔供應生蠔，怕出事，香港人識食咗，唔係只提供一款美國蠔就得，呢度有四款生蠔，而且係即開，店員真係辛苦，無停過手，開蠔區靠牆全部係放生蠔嘅雪櫃，寫明只可以放生蠔，證明餐廳都好小心處理呢個環節！而且攞蠔時，店員會提醒由左至右食（淡到濃）我通常唔落茄汁，只落少許檸檬汁，好鮮！先食啲冷盤，習慣食少許沙律菜打底，羅馬菜爽脆，醬料有幾款選擇。長腳蟹腳比較少肉，不過配套幾好。有齊鉸剪蟹鉗，方便食客食得方便！刺身有成8款，好新鮮，要讚有埋海膽，而且擺盤靚！增加食慾！平時我自助餐好少食熱盤。呢度熱盤都好多選擇，尤其牛扒同鵝肝。煎得好香口好味！甜品係自助餐嘅靈魂，呢度好好多選