南記粉麵 (Closed)

米線對我黎講係食唔厭嘅，一個人唔知食乜好嘅時候米線一定係最佳之選。香港仔南記嘅口味好啱我，所以一諗唔到食乜多數都去南記食佢嘅「香辣腩肉米線加春卷」😋😋😋。小小辣，腩肉又唔會好肥，薄切好入味，米線煙韌，食極都唔厭，仲有要加推介嘅春卷，係幾特別嘅，出面好少食到呢種春卷。 想食清啲的話其實「四寶河」都好好味，河粉好滑，四寶丸都彈牙。不過我多數都係會選擇腩肉米線，始終辣辣地較吸引我。想抵食啲可以食佢啲餐，都好多選擇，不過腩肉就冇餐喇。