Video
Read full review
2021-11-14
1181 views
近10個食評過大半都係差評，我信，食完我真係信。同前一篇“任食出餐搵笨“描述完全一樣既差體驗。詳情可睇翻前一個食評，上家100％客觀描述收320一個人，一枱成12人，出就出6人分量，質素普通至差程度，中晒伏。流程，等，上兩碟小食，等，再上小食，等，等隻船，原來要等第二枱客食完先有船，等，終於有船，份量少，食幾分鐘，收船，等，雞煲，等，等佢滾，阿姐黎熄細個火，食雞殼，無乜肉，要求加雞，等，上雞，又要等煲滾，阿姐就拎個大鐵兜叫我地倒骨，聽住阿姐𠵱𠵱哦哦，收走，上火煱，又要等水滾，總之成晚等多過食。海鮮凍到結冰，一放落煱度，滾水又回復平靜，又要等。唔覺食過野，就21:00，阿姐同你講，22:00要交枱。21:05飲品櫃清空，想飲罐可樂都無機會，而之後個櫃一直空到收鋪，有性格，唔fill。叫加牛肉又等，阿姐用佢部電話落單，仲鬧你講得快，要慢慢講，電腦好慢，又𠵱𠵱哦哦，大佬呀21:30啦，成圍都未飽，叫乜無乜，乜都賣晒，12人得9粒丸，6隻雲吞，點呀？我要決定同邊個朋友分一半呀？我咬先定佢咬先好？21:45終於上第二輪，阿姐仲要話你唔好浪費食物。喂，你拖我時間，根本唔比機會你去食，22:00要交
收320一個人，一枱成12人，出就出6人分量，質素普通至差程度，中晒伏。
流程，等，上兩碟小食，等，再上小食，等，等隻船，原來要等第二枱客食完先有船，
等，終於有船，份量少，食幾分鐘，收船，等，雞煲，等，等佢滾，阿姐黎熄細個火，
食雞殼，無乜肉，要求加雞，等，上雞，又要等煲滾，阿姐就拎個大鐵兜叫我地倒骨，
聽住阿姐𠵱𠵱哦哦，收走，上火煱，又要等水滾，總之成晚等多過食。海鮮凍到結冰，
一放落煱度，滾水又回復平靜，又要等。唔覺食過野，就21:00，阿姐同你講，
22:00要交枱。21:05飲品櫃清空，想飲罐可樂都無機會，而之後個櫃一直空到收鋪，
有性格，唔fill。叫加牛肉又等，阿姐用佢部電話落單，仲鬧你講得快，要慢慢講，電腦
好慢，又𠵱𠵱哦哦，大佬呀21:30啦，成圍都未飽，叫乜無乜，乜都賣晒，12人得9粒丸，
6隻雲吞，點呀？我要決定同邊個朋友分一半呀？我咬先定佢咬先好？21:45終於上第
二輪，阿姐仲要話你唔好浪費食物。喂，你拖我時間，根本唔比機會你去食，22:00要交枱。
成晚唯一準時既，係22:00迫我地交枱，D野啱啱先滾好無？放題唔比機會你食，仲鬧你。
最後阿姐推個大垃圾桶出黎，一路黑面一路執野。“而家22:10，我地執完野仲要洗“又
𠵱𠵱哦哦。呢一刻，唔飽既部分，食埋呢肚氣，終於都飽lu
得隻船大隻
65 views
1 likes
0 comments
Post
