家嫂

Open Now

Now Closed

每枱有專員負責，吹吹吹，追追追，食快啲 ...不如轉型做快餐吧，把鬼。。。 去一次就算，你班服務員真係幫老細趕客。有乜理由食開口叫人食快啲，你咪拎個器皿裝起，繼續你嘅上菜,無下次了

今日嚟到家嫂食午餐，見到佢轉咗個新Menu，就試吓呢一個吉列豬扒米線，湯底要豬骨湯底，呢個吉列豬扒炸得都幾香脆，估唔到嘅係一咬之下原來入邊仲有芝士，都幾惹味，但個豬扒略嫌有啲薄🤏，好似芝士仲厚個肉😂😂

家嫂出名足料抵食，雖然晚市未試過，但午餐真係幾唔錯！首先佢有好多選擇，粉麵及湯底各六款、魚生丼仲有小食。一點幾食飯時間都幾多人，有機會要等一陣位。我叫左個A餐 (家嫂魚腐、雪花肥牛及手打墨魚丸)配艇家蝦湯米線+紅棗元肉杞子茶 (+$10飲品優惠，好抵！)😍蝦湯色水靚之餘仲有好濃郁既蝦湯味，就咁飲湯都正。配上咁多款餸，魚腐同肥牛正正常常，墨魚丸彈牙，係米線少左D (唔夠喉) 🙈同埋偏淋，差咁D口感，其他都出色！🫶仲可以+$10就換到杯足料養生茶，真係抵幫襯~ 記得凍飲落左單後就可以係雪櫃自己拎，熱飲係落單時要講埋，佢會整好俾你結論🫰足料抵食🫰多款，一定有一款岩你心水⚡️有機會等得耐 (因好多人)🎡餐廳資料餐廳名稱：家嫂餐廳地址：柴灣利眾街24號東貿廣場6樓

柴灣不嬲都無乜好嘢食， 黎間家嫂叫做好少少，年三十想食好d， 結果。。。 掃興而歸叫左個D餐應該有炸雞亦、肥牛、手打墨魚丸今日上菜特別快，點知...第1眼以為新年送餃子，睇真d原來係無左香脆可口既雞亦變餃子。追問下先話賣哂轉左， 咁你講聲我就揀第二個湯麵啦～點知... 好戲在後頭... 各位觀眾...肥牛佢真係肥牛嗎？ 係一塊剪成既牛碎？？？？一邊食一邊就聽到廚房大叫，黎樣停個樣停...正值lunch hours 差不多所有嘢都沽清。其實無貨缺貨都應該比客知， 客自己選擇而唔係煮左上菜就算， 唔問當無事囉～

今日無計劃咁去咗間街邊小店，氣氛舒服得嚟又悠閒，打開菜單心諗：梗係要嗌啲平民又招牌嘅野來試吓喇！首先係啲炸雞翼，炸得金黃香脆，啖啖肉肉感十足，啲辣椒粒撒落去，微辣得嚟提味正！食落去卡滋卡滋咁，真係"口水流晒一地"！講到呢間鋪，佢哋個魚蛋粉唔得了，魚蛋Q彈得滑溜，彈到幾乎要自問係咪漫畫入面跳出嚟嘅角色😍。同個湯底更加係絕配，湯頭清甜之餘又有啲嘢講，啲花椒洗牙蕩齒，啱哂愛啖咸嘅香港人口味。最後，好戲喺後頭—啲煎蠔餅！外皮煎到恰到好處，返到屋企個熱度重有；蠔味鮮美，肥美得滯，真係"又食過癮"！攤開個餅一睇，蠔同蛋漿嘅比例啱啱好，唔會象徵性咁得個蛋味。整體嚟講，呢次食經驗真係正👍，店家小姐勁nice，下次有時間，我一定會再拉埋班friend嚟開餐! 🍖🍤🍚

估唔到家嫂既lunch同夜晚一樣咁出色✨首先係蝦多士， $12一件，正藥膳雞腳米粉，湯底好甜，但係藥材味未係好夠呢個係自選蝦湯，配米線，雞翼好驚喜好好食熱紅棗茶勁足料

本身想同阿媽慶生 book 7:30食嚟到坐咗陣食 咗15分鐘小食就上刺身船食冇耐就話要幫我哋夾起啲刺身上雞煲雞煲上咗冇耐 就話要夾起換細碟上火鍋 當時雞煲仲有大半煲 叫個阿姐分兩隻碟上都好似不情不願咁火鍋最後得個零鐘食 10點唔夠有個阿姐已經熄冷氣趕人走 唔係另一啲阿姐叫住都唔去開最尾有個短髮阿姐走嚟問啲料仲要唔要 講咗話要 佢都覆叫我哋慢慢食 轉個頭又話要嚟收 話佢哋要收工 趕時間到咁就唔好接啦🙄最後成家都成肚氣咁走 真係冇下次

疫情前間中都會到家嫂用午餐，一般都只會叫米線，貪佢哋抵食好食又大碗，價錢都只是$5X。疫情後，好彩他們頂得住生意，我們仍可以去食午餐，見他們餐牌有少少改動，除了仍舊有米線外，仲看見有魚生什錦丼，價錢都喺$65，就點了試試。嘩～真喺不得了，嗰啲什錦魚生多得太誇張又大碗，仲有少少海膽啊！附上一碗熱辣辣的中湯及半顆香橙，一個午餐飽到攬住個肚皮返工，下次再去，一定再叫👍🏻

幫襯咗呢間好多次，次次都會食到好飽好飽，第一輪上小食➡️刺身➡️雞煲➡️ 火鍋，仲有飲品同雪條任食，一定要試咸檸檬梳打，呢個要叫侍應落單飲品櫃無。小食今次有酸菜魚、酸薑皮蛋、麻醬翠玉瓜、 白灼蜆、 蒜蓉蒸扇貝、蝦多士、黑糖磁粑……其實食完啲小食已經飽咗一半，之後再上埋個刺身同雞煲，真係好滿足……因為留咗花膠湯做火煱湯底，飲埋碗湯之後已經無哂戰爭能力食咗少少海鮮就收工，不過最後都食多兩條雪條榴槤正呀！整體食物質素都保持到水準，係啲蜆真係好多沙，呢樣需要改善

聽人介紹呢間任食海鮮好出名，約埋朋友一行10人，收工特登去幫襯。6點去到，都已經見到幾枱客到咗🤭🤭。未食嘢之前有啲小食，例如係酸菜魚，皮蛋，蝦多士等等。賣相都幾精緻，味道唔錯。然後上超豪華特大海鮮刺身船，生蠔🦪、鮑魚、三文魚、帶子、牡丹蝦、八爪魚🐙、長腳蟹🦀、鯛魚片等。淨係個氣勢都已經贏晒，海鮮鮮味都幾好👍🏻👍🏻。隔一陣就上雞煲，叫左bb辣，入面有魚腐豬皮滑雞件👍🏻👍🏻🤣。我哋主食海鮮煲，好快食完雞就叫店員上海鮮火鍋lu。海鮮火鍋最好食有鮑魚花膠貴妃蚌蟹蝦，我哋不斷refill追加，牛肉同豬肉都幾靚仔👍🏻🤭。其他海鮮，例如鱔、沙白、魷魚、生蠔、珊瑚蚌，大家評價都幾好。嘢飲佢哋有自家製竹蔗茅跟，龍眼桂圓茶等，酒類紅酒白酒清酒任飲😮‍💨😮‍💨。大家都飲飽食醉，不亦樂乎。地點:柴灣分店距離地鐵站5分鐘路程，呢間分店有得坐到10點鐘🤣🤣，旺角無。環境:環境舒適，一開始冷氣超勁，但人一多都暖翻啲🤪。入面裝修講到有酒飲，不醉無歸，酒飲肉食😂😂，好搞笑。價錢:428蚊一個人，6點食到10點，海鮮餐任食酒任飲，抵食過自助餐呀🥰🥰。間唔中善待自己都好既😉。服務:店員主動服務，幫客人影相，幫客人落單基本服

店名: 家嫂地址: 柴灣利眾街24號東貿廣場6樓柴灣站C出口，行3分鐘環境: 4/5價錢: 5/5味道: 4/5呢間位於柴灣嘅火鍋店，午市有提供各式嘅抵食套餐，係旺角都有分店~家嫂養生雞湯米❤️❤️❤️❤️❤️$58雞件份量十足，肉質亦十分嫩滑，質素甚高，雞湯清甜而不油膩，一啖湯一啖米線，十分之滿足🤩 家嫂魚腐，雪花牛肉，手打墨魚丸芫茜皮蛋湯米線❤️❤️❤️❤️$52魚腐有魚味，墨魚丸食落唔太咸，亦好彈牙爽口，牛肉肥瘦適中，湯底勁多皮蛋，證明係真材實料👍🏻海膽吞拿魚茸三文魚子飯❤️❤️❤️❤️$78海膽比我想像中大舊，食落唔腥，不過就無咩味，吞拿魚茸有魚味，而且份量好多，撈勻食好滿足，仲有橙同湯附送添🥰紅糖糍粑❤️❤️❤️❤️$18同出面唔同，佢哋嘅紅糖係夾心，係入面呈流心嘅狀態，好有咬口😆石榴薏米水/鮮橙檸檬特飲/杞子雪燕桂花茶/星洲鹹七(餐加飲品$10)❤️❤️❤️❤️$20每款飲品都唔太甜，而且好大杯，但當中最推介杞子茶同薏米水，2款都充滿住配料，非常養生😆#stitchfoodie柴灣#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評

疫情前我經常幫襯， 果時仲係三佰幾鬆啲就可以的食。 果時覺得店舖好地方， 我上星期去， 388， 加一後430。 貴咗， 但係覺得退步， 店舖無咁大方， 海鮮質素無咁好。我自己覺得， 430 唔係太值， 除非你係超級大食， 同埋唔介意佢一開始冇選擇地比好多前菜你食， 令你食飽。 （1）其實佢前菜係OK好味， 不過真係多，皮蛋炸年糕炸蝦多士炸脆肉瓜扇貝羅漢齋清酒蜆，我哋一坐低會通常好餓，會食好多， 也不想浪費， 所以會飽哂， 打邊爐無戰鬥力。 （2） 刺身， 以前有海膽， 而家無。（3）雞煲味道OK（4） 打邊爐： 以前的海鮮盤，有好多比較受歡迎種類嘅海鮮，例如係聖子蝦蟹蠔，依家係好奇怪，會夾咗一條好似泥猛咁嘅魚，另外仲要有細細魚條。我唔食魚就係全部嘥晒，其中一份係橙色嗰嘅珊瑚蚌，仲有冬菇釀蝦膠，比較瘦的鮑魚， 魷魚和蜆，味道普通， 而且，這種海鮮盤配搭比較少見。（5）我最唔欣賞嘅係定係六點開始任食時段，我哋當然係1800到。 去到成2000 先可以開始叫蟹和蠔， 每人一隻咁叫，2030 先出現貴妃蚌，嗰陣時都已經好飽， 只係食咗一次蟹。但係啲蟹係比較細隻得蟹鉗有肉，其中一隻有好濃烈阿摩

今晚朋友捉我哋來吃，無餐牌，只知大約有魚生，小菜、雞煲，火鍋配料（湯底有得選）。一開始魚生船巨型豪華至後來的火鍋，愈食愈精彩，其中的一道小菜-八寶齋菜最令我回味無窮。

🌟環遊海鮮火鍋放題 $368加1@1位第一次食放題咁滿足😋首先有5-6款小食任食，當中最愛蝦多士，忍唔住食左幾舊🤣飲品放題亦十分有特色，有多款自家製茶飲😎好養生嘅感覺！接著再嚟食刺身，八人份量嘅刺身，餐廳直接用一艘船來擺碟，好壯觀，又可以打卡🤣而且味道新鮮好食！食完刺身， 再嚟食雞煲，今次揀咗小辣，雞肉好嫩滑，又入味，好食😋！食到呢個時候，已經7成飽🤣但都未完！仲有打邊爐！🤩有別於一般嘅雞煲火鍋，餐廳會再為客人更換湯底，我地簡咗花膠養生湯🥳感覺好養生！有海鮮拼盤放題作為火鍋材料，仲有餃子，牛/豚肉🥳！最後，仲有雪條做甜品🤩！

有個服務員態度非常非常惡劣，已經不停催我哋上菜。話說有支香檳係套餐包埋嘅，我哋成班食開年飯，當然要飲番杯啦。見我哋開香檳，阿姐已經埋嚟串我唔好射到周圍係。我都冇搖支香檳又點會射到周圍係呢。（掃興）😮‍💨再問呀姐攞香檳杯，你估佢點答呀⋯⋯（眼見其他枱都有香檳杯）佢話我哋啲香檳杯唔俾你過喎。我心裏一堆問號？？接着說因為你打爛咗，要你陪$98 1隻㗎。佢語氣好差，之後拎咗啲鐵杯過嚟。哈哈，老實講我打爛咗一定會陪俾你，既然你咁驚客打爛點解又拎出嚟啦。你個柸鑲金？就算你話用晒洗唔切都冇問題。好似講到我賠唔起咁，又或者我一定會打爛嘢。嘈完一輪後，佢有死死地氣拎d柸過嚟。出奇嘅事出現⋯就係佢上菜時，碰到我隻杯險些倒瀉我杯酒。我終於發現佢唔想原因，其實係唔想佢自己打爛。超級壞嘅體驗，一定唔會再幫襯，感覺超級受氣。而且貴妃蚌好多沙。