源發酒家 (Closed)

遲咗收工，於是叫朋友過嚟陪我食啲嘢，簡單叫咗幾個餸，避風塘鮮魷，避風塘炒蟹就食過，避風塘鮮魷就無食過啦。其實我就中意食炒鮮魷多啲，因為方便撈埋啲蒜粒一齊食。如果食蟹就要剝蟹殼，食落都好唔方便。而且呢道餸真係好送飯，又好餸啤酒。菠蘿咕嚕肉，酸酸甜甜，肉都幾熟嫩，唔會特別厚粉，都幾好味。冬瓜盅，純粹係真係無食過，想試下。同埋呢排個人真係好熱氣，想叫啲清涼嘅菜式降下火。呢個真係幾正，飲落十分清甜，燉得啱啱好，飲碗湯再食下啲配料，好滿足。食飽個肚，傾下計，再叫支啤酒。真係好解壓。