東歐餐廳 (Moved) New Location

工作太忙，錯過咗晚飯時間，原本已經覺得過咗飯點都唔肚餓啦，唸住可以唔使食啦，點知男朋友話點都要食翻啲嘢落肚，唔系嘅話佢會心痛~~~ 好sweet吖！！行過附近發現咗一間餐廳，睇個門面覺得幾特別，就行入去食啲嘢啦 其實個店面唔算話好大，行到店入邊，佢成間店入邊嘅燈光色調系暗黃色嘅，所以食嘢嘅時候會覺得特別有feel，最啱就係情侶嚟dating啦！！~ 呢度嘅嘢食系專門請烏克蘭嘅廚師整嘅，所以呢個烏克蘭烤豬腿味道都好正宗嘅~~~烤豬腿好大舊，食落去味道好特別，佢用咗一啲好特別嘅醬汁淋系豬腿表面，再加上一啲蔬菜嚟做配菜，豬腿肉嘅肉質好嫩，輕輕一咬，就可以將成舊肉咬曬出嚟！！正！ 紅菜頭魚柳沙律，賣相好似一個甜品咁，但其實佢系一個沙律！外邊一大層紅菜頭包住，切開入邊有好多好新鮮嘅魚柳，魚柳嘅口感食落去好爽滑，口感豐滿！！~~ 仲有呢一隻石榴汁，味道酸酸甜甜，好開胃。而且石榴嘅香味好濃郁，好飲到爆炸！！~最緊要嘅系好抵飲~~