Don X Sushi Generation (Closed)

2019年4月27日。晴。中環。本來想去前面一條街嘅蔡生Pho店朝聖一下點不知啲人多到，即刻果斷轉場！行入一條街，發現都好多食店㗎喎！我哋就幫襯咗呢間日式料理餐廳～入面裝修好骨子，用咗大量木材感受到簡樸而高雅嘅日式風情～餐廳主要食丼，選擇都幾多～～真係令人花多眼亂餐具杯碟亦好有質感～就連之後上菜嘅碟都係相同系列，做到日式和諧細節～柚子醋沙律先上前菜～呢個係柚子醋沙律非常鍾意個醬嘅酸甜比例～啲菜都好新鮮爽脆！墨魚頭另一個前菜係墨魚頭，第一次食呢個小食，都係行爽脆路線，味道唔會好濃，好味～香蔥吞拿魚碎丼，$200呢個係男朋友嗌嘅～吞拿魚蓉撈香蔥，鋪滿飯面，試咗一啖，味道濃郁，同埋飯量夠多，適合鍾意大量澱粉質嘅人，哈哈刺身、壽司  x  迷你魚生飯，$200刺食三味～有醬油漬赤身、池魚同八爪魚店員會好貼心咁介紹番刺身嘅種類同埋推薦嘅食法赤身就唔使再點豉油，因為師傅已經用醬油略略漬過，食落質感軟滑，完全冇筋另外兩款都非常鮮甜～壽司賣相都好吸引！店員都會介紹應該由邊一啲開始食起，建議先食軍艦，因為紫菜擺得耐會腍然後再食蝦、金目鯛、象拔蚌，最後先食最濃味嘅鯖魚因為太肚餓，一上枱就忍唔住食咗粒海膽軍