Video
Read full review
2017-10-17
276 views
雖然已經踏入十月，中秋節亦已過，但天氣仍然持續炎熱，每日最高氣溫徘徊逾攝氏 30°C，而且周日更刮起颱風。見天氣咁唔穩定，所以這晚就決定不再遠闖，留在住處附近覓食。記得早排去 AEON STYLE 購物時，發現地下開咗間意大利 Fusion 菜餐廳「Quattro's Kitchen」，看過門外餐牌，價錢合理，就一於不作他想，來這裡開餐。店子位於地面層，裝潢以木色為主調，環境光猛，地方闊落，完全無侷感，睇得出喺設計上花過唔少心思。近門口嘅櫃位擺滿了一盆盆綠油油的植物作裝飾，為餐廳帶出自然清新感覺。再細看四周，樓底頗高，檯與檯之間排得唔密，加上開放式的門面設計，四通八達，人在其中，倍感悠閒舒暢。晚市餐牌很簡單，除了一款可供四人享用嘅 Signature Beef Platter 之外，其餘都是以散點為主，有湯、前菜、麵條及飯、主菜、廚師推介、甜品及飲品等。先點一客意式多士 ($78) 做 Starter，碟上嘅多士共有三款，分別為煙三文魚多士、自家製鵝肝醬多士、松露蘑菇醬多士，而中間就配以沙律菜作點綴。煙三文魚大片又厚身，非常煞食，吃起來肉質嫩滑，鹹香可口。鵝肝醬味濃豐腴，甘香幼滑，吃
雖然已經踏入十月，中秋節亦已過，但天氣仍然持續炎熱，每日最高氣溫徘徊逾攝氏 30°C，而且周日更刮起颱風。見天氣咁唔穩定，所以這晚就決定不再遠闖，留在住處附近覓食。記得早排去 AEON STYLE 購物時，發現地下開咗間意大利 Fusion 菜餐廳「Quattro's Kitchen」，看過門外餐牌，價錢合理，就一於不作他想，來這裡開餐。
店子位於地面層，裝潢以木色為主調，環境光猛，地方闊落，完全無侷感，睇得出喺設計上花過唔少心思。近門口嘅櫃位擺滿了一盆盆綠油油的植物作裝飾，為餐廳帶出自然清新感覺。再細看四周，樓底頗高，檯與檯之間排得唔密，加上開放式的門面設計，四通八達，人在其中，倍感悠閒舒暢。
晚市餐牌很簡單，除了一款可供四人享用嘅 Signature Beef Platter 之外，其餘都是以散點為主，有湯、前菜、麵條及飯、主菜、廚師推介、甜品及飲品等。
先點一客意式多士 ($78) 做 Starter，碟上嘅多士共有三款，分別為煙三文魚多士、自家製鵝肝醬多士、松露蘑菇醬多士，而中間就配以沙律菜作點綴。煙三文魚大片又厚身，非常煞食，吃起來肉質嫩滑，鹹香可口。鵝肝醬味濃豐腴，甘香幼滑，吃下時心裡滿是罪咎感，但偶爾淺嘗，滿足一下口腹也不算過份！松露蘑菇醬，醬料含蘑菇顆粒，食落富質感。至於墊底的多士，咬下亦非常酥脆，值得一讚。
餐廳有送餐前麵包，兩個麵包賣相都好吸引，烘得色澤金黃。立即拿上手，依然有餘溫，而且還散發著陣陣香氣，塗上牛油後，入口外脆內軟，很有質素。
湯揀咗干邑龍蝦湯和是日精選餐湯各一。干邑龍蝦湯 ($68) 很有水準，質感滑溜，而且干邑能帶起龍蝦湯嘅味道，令口感變得更濃。面頭的麵包粒略欠脆口，不過內裡嘅蝦隻非常彈牙，未食主菜已經很有滿足感。
是日精選餐湯 ($42) 係意米雜菜湯，雜菜湯用料好豐富，表面浮起薄薄嘅紅油，香草味濃，酸甜味亦平衡得唔錯，而且最特別就是加入了意大利米一同烹煮，食落外柔內剛，十分有嚼感。
主菜點了扒美國西冷 ($218)，西冷用木砧板盛著，旁邊配有薯蓉、椰菜、翠玉瓜、黃椒、紅蘿蔔和蜜豆，而且上桌時還附有燒汁，非常之有大堆頭。牛扒好巨型，Size 比手掌還要大，絕對足夠兩位享用。切開一看，肉芯呈粉嫩色澤，咬落鬆軟，牛味頗重，有牛香，而且吃起來油份充足，但又不會太油膩，配上燒汁同吃，肉味更濃。
接著是一客三文魚柳伴帶子野菌鮮蝦野米飯 ($148)，面頭嘅三文魚扒，非常厚身，入口魚油甚豐，咬下啖啖肉，而且外皮煎得十分香脆，唯一美中不足是肉質不夠細滑。魚扒下面放有爽口彈牙嘅大蝦，而帶子亦煎至嫩滑不韌。墊底嘅野米飯用上美國黑米和意大利米飯混合煮成，食落好有層次，而且既高纖又營養豐富，夠曬健康。
甜品揀咗焗蘋果批配雪糕 ($65)，蘋果批上面嘅果肉切成一片片，像花瓣一樣，食落有啖啖果香，而且甜味又不太死板，易入口又平衡。批邊焗得好香脆，旁邊配有生果，再伴上一球冰凍嘅雲呢拿雪糕同吃，非常夾配，味道清新不膩。
食完飯一於慢慢坐，嘆埋杯凍檸茶先走，好好享受人生。
Post
