潮窩 (Closed)

這夜放工去紅磡俾野人，順便一齊食野，他帶我去此火鍋店，主打手工食材，食店裝修簡潔，雖然唔算很大但生得舒服不侷促。醬料整齊，有䓤有蒜有芫茜。手打墨魚丸彈牙口感帶爽。手打牛丸，爽口入味。炸魚皮，鍾意香口野必點，魚皮size夠大件，不用灼就食脆卜卜，如果灼兩下亦有另一番口感。手工松茸帶子餃松茸同帶子嘅組合令口感豐富，帶子本身冇乜味，反而加入松茸令餃子更香，配搭得好。手工韮菜餃我最鍾意韮菜的獨特菜香，肉比例不高，更食到韮菜味。安格斯牛肉粒每一粒size好似粒骰，比肥牛更有咬口，要啃多兩下先啃得曬，相對上我比較鍾意食呢一類肉，唔大件又有得啃，唔錯。食埋蔬菜就真係飽飽，食飽飽再吹下水然後再踏上征途回家去。