越式美食

Open Now

Now Closed

屯門碼頭有一個兆禧食坊，隱藏著不少特色美食。今個週末就過來覓食一下，先試試這間「越式美食」！店舖設有幾個座位供堂食之用。「越式美食」強調食品即叫即製，所以等候時間會有點長。等候期間，聽到師傅講越南話，似乎可以食到正宗越南風味美食。第一次食越式法包！法包外脆內軟，塗了一層肝醬，香味濃郁。包內夾了豬頸肉、沙律菜等，非常足料。豬頸肉燒得好香，令成個法包味道更惹味。米紙包住紅蘿蔔絲、蝦肉、檬粉等材料，然後再炸香。咬下去脆卜卜，配上甜酸雞醬佐送，香口惹味。夏天最適合食撈檬，酸辣味道夠開胃！「越式美食」的撈檬汁會偏甜一點，接近越南地道風味。撈上檬粉、生菜絲、青瓜絲等，口感豐富。香茅豬扒大塊，厚切啖啖肉，咀嚼間帶著香茅香味，但肉質就偏乾。牛湯河雙拼，分別選了生牛肉和燒牛肉2款。湯底鮮甜，河粉份量頗多，索了湯頭精華後，味道好香。生牛肉、燒牛肉各有特色，對比之下，燒牛肉是濃味一點。但2款肉質都略嫌有一點靭。不過始終是外賣，可能食物質素會因為時間而受到影響。有機會的話，希望可以在現場堂食試真啲！