有心思

Open Now

Now Closed

呢間大排檔係我有一日去深水埗買嘢，再兜上去食南山白汁冰，途經參觀見到ge ~我好鍾意周圍去睇香港舊式屋邨，自己本身亦喺坪石邨長大，真心覺得好靚而呢間 有心思 令我非常有親切感，因為我以前成日朝早都會去牛池灣志興飲早茶，點心好食🤤又夠平，我最鍾意坐出邊，尤其是係秋冬嘅時候。太陽照射落嚟又有一浸涼風吹過，非常和暖🥰。不過好可惜佢已經冇做早市。去食 有心思 嗰日，佢係6:00點鐘開。我去到現場剛好就係日照👉🏻黃昏🌆👉🏻夜晚🎑可以睇到天空嘅變化，非常有氣氛。我哋叫：沙嗲金菇肥牛粉絲煲，一上菜極滾🔥會聽到🧏🏻‍♀️氣泡翻騰聲音，而肥牛似手切有一點嘅厚度。另一個菜式係：鮮魷蒜蓉蒸茄子🍆，非常特別，係我未見過菜式。佢兩款菜式都係好食，味道啱啱好，同出面啲大排檔比佢係偏淡嘅。其實佢仲有好多其他嘅菜式都好特別係我未見過嘅，下次我會再去試返。