616牛肉火鍋專門店 (麗群閣) (Closed)

616有好味嘅牛肉，特別係最近推介嘅信州牛肉，即刻要去食！信州牛肉和牛盛幾抵食，我哋叫咗一份，有三個部位再送一碟牛肉。羽下肉油脂最豐富，肉質軟嫩；牛胸肉油花都好靚，不過就肥膏多少少；赤身肉味比較濃。嚟到616，一定要食手打烏冬，口感煙煙韌韌，配牛骨湯一齊食好味！油豆腐串係必食推介，吸晒湯底嘅精華。如果覺得湯底唔夠濃，呢度都有唔同醬料俾你自己拎，我哋覺得個牛肉汁幾好味。最後飲埋佢哋自家製飲品，下火一流。