九井壽司 (Closed)

Megabox嘅「九井壽司」都開咗成年有多，本身喺九龍灣返工咁近、都係今日先至去幫襯。店舖座位都幾多下，有卡座有面向快速線嘅座位。同某集團壽司店一樣，佢哋有送餐嘅火車快速線，每次見到依條快速線，都會有興奮同期待嘅感覺。店鋪另一特式就係座位都有部平板電腦提供俾客人落單，咁客人就唔使下下拎自己部電話，亦都省卻咗每次都要掃QR code先落到單嘅麻煩。平板電腦系統支持中、英、日語，都可以稱得上係非常貼心。午市選擇都幾多下，我同同事分別叫咗一個午餐定食同一個刺身迷你丼。「九井壽司」其實有好多選擇，點解我哋點咗三文魚海膽丼定食同鮮帶子海膽迷你丼，原因係好少見平民化嘅價錢就有海膽食囉。帶子、三文魚同海膽好鮮甜，比起某連鎖集團嘅要好，海膽仲要大大隻，入口滿滿幸福嘅感覺。午餐三文魚海膽丼定食跟沙律同麵豉湯，麵豉湯滲透住鮮魚味，亦比某連鎖集團的好味。