Video
Read full review
2017-09-21
358 views
呢一日唔係咩特別日子，但就無啦啦想食餐好嘅，於是就訂咗位同朋友一齊嚟食個高質法國餐我哋一人叫一個set，揀啲唔同嘅嘢食，可以交換食，試多啲口味點完菜就送麵包籃喇，雖然麵包普普通通，但特別之處係個黑松露牛油，可以將平平無奇嘅麵包變得好味好多［鮮帶子他他配香辣陳醋汁］新鮮嘅帶子切成細粒後配上微辣嘅陳醋，非常開胃［煙三文魚凱撒沙律］生菜新鮮爽口，而沙律醬份量都唔少，每一塊菜都會沾到醬，唔會食食吓變得淡貿貿［黑松露鮮蠔野菌湯］黑松露味道都幾濃，湯入面除咗有一隻蠔，仲有蘑菇碎喺度，口感同味道都一樣豐富鍾意蠔同黑松露嘅人一定要揀呢個湯［海龍皇魚翅蟹肉濃湯］海鮮嘅味道濃郁，湯頭滑得嚟亦有蟹肉增加鮮味同口感，好味呢個湯外表睇落似南瓜湯，但入面係有一排排魚翅仔㗎！［米紙包鴨肝多士伴無花果］鴨肝用米紙包住再拎去煎，令到鴨肝有外脆內軟嘅效果。鴨肝非常嫩滑甘醇，而無花果可以降低個油膩感，超級夾［青檸雪芭］上主菜前有呢個青檸雪芭，配埋青蘋果粒同plain yogurt，佢酸酸嘅清新味道可以refresh一下個口，預備食主菜［蜜糖果仁焗紐西蘭羊鞍，$538］羊鞍用果仁包裹住拎去焗，呢個手法都係第一次見，好新奇。不
我哋一人叫一個set，揀啲唔同嘅嘢食，可以交換食，試多啲口味
點完菜就送麵包籃喇，雖然麵包普普通通，但特別之處係個黑松露牛油，可以將平平無奇嘅麵包變得好味好多
［鮮帶子他他配香辣陳醋汁］新鮮嘅帶子切成細粒後配上微辣嘅陳醋，非常開胃
［煙三文魚凱撒沙律］生菜新鮮爽口，而沙律醬份量都唔少，每一塊菜都會沾到醬，唔會食食吓變得淡貿貿
［黑松露鮮蠔野菌湯］黑松露味道都幾濃，湯入面除咗有一隻蠔，仲有蘑菇碎喺度，口感同味道都一樣豐富
鍾意蠔同黑松露嘅人一定要揀呢個湯
［海龍皇魚翅蟹肉濃湯］海鮮嘅味道濃郁，湯頭滑得嚟亦有蟹肉增加鮮味同口感，好味
呢個湯外表睇落似南瓜湯，但入面係有一排排魚翅仔㗎！
［米紙包鴨肝多士伴無花果］鴨肝用米紙包住再拎去煎，令到鴨肝有外脆內軟嘅效果。鴨肝非常嫩滑甘醇，而無花果可以降低個油膩感，超級夾
［青檸雪芭］上主菜前有呢個青檸雪芭，配埋青蘋果粒同plain yogurt，佢酸酸嘅清新味道可以refresh一下個口，預備食主菜
［蜜糖果仁焗紐西蘭羊鞍，$538］羊鞍用果仁包裹住拎去焗，呢個手法都係第一次見，好新奇。不過果仁唔算脆，而且比較幼粒，食落果仁嘅存在感比想像中低
羊肉方面，望落係好似一成熟咁，但切開冇血水，食落口非常腍，最緊要係唔會騷
［九州鹿兒島A4和牛伴和牛意大利飯，$618］冇調味嘅和牛件擺盤擺喺喜瑪拉雅山岩鹽板上，等客人可以控制個咸度。牛肉嘅油脂都唔算少，味道相當香濃，而少少嘅岩鹽更加可以令牛味更突出
A4和牛果然係A4和牛，食落口軟腍腍又冇筋，而且牛味十足
和牛意大利飯稍為乾身，比較似炒飯，但味道方面係非常香嘅
［朱古力蛋糕］非常滑而且實淨，略帶少少甘味，唔會一味得個甜字
［楊枝甘露凍］面頭係芒果蓉，下面就有椰汁凍，仲有煙韌西米，幾清爽
Post
