Video
Read full review
2018-10-16
3729 views
今晚同朋友到嵐山食好D食豪D。7 點鐘到，餐廳都已經差唔多爆場，好彩預早訂位，仲提供了一早要求的Bar 枱，正。鍾意Bar枱原因是可以近距離見到各款新鮮的魚生，又可以同廚師有互動。餐牌是用平板電腦的，感覺比較高級。未開餐，廚師先給我們開胃的前菜沙律，沙律菜好新鮮，食落索索聲。刺身就更係要選擇新鮮而又時令的，廚師推介左口魚薄切，中拖羅，銀雪魚及北海道帶子。刺身好新鮮，好肥美。左口魚刺身薄得透光，食落爽口，配上特別的醬油，好味。厚切的中拖羅及銀雪魚的魚油十足，入口即溶。煎銀雪魚就食得多，刺身都係第一次嘗試。帶子厚肉鮮甜。壽司有蔥花吞拿魚蓉及鰤魚壽司，好耐無食到有脆身既紫菜，要讚呀! 壽司飯亦已經調左味，所以完全唔需要點醬油，好味。串燒有鮑魚，銀杏同黑豚肉。鮑魚大隻爽口，燒完都不會縮水。黑豚肥瘦均勻，燒得香口，鍾意有脆邊。銀杏配上木魚絲，好味。蒜片安格斯薄燒，安格斯牛燒得剛剛好，肉身不會太老，仍然嫩滑，再卷上大量蔥花及蒜片，仲有大量芽菜墊底，一齊食就prefect 啦!餃子皮薄肉汁多，點上酸酸的醋汁，一個人可以食一客呀!最後更係要湊下米氣，叫了一個海膽炒飯，兩個人份量剛剛好。雖然只簡單用上海
7 點鐘到，餐廳都已經差唔多爆場，好彩預早訂位，仲提供了一早要求的Bar 枱，正。
鍾意Bar枱原因是可以近距離見到各款新鮮的魚生，又可以同廚師有互動。餐牌是用平板電腦的，感覺比較高級。
未開餐，廚師先給我們開胃的前菜沙律，沙律菜好新鮮，食落索索聲。
刺身就更係要選擇新鮮而又時令的，廚師推介左口魚薄切，中拖羅，銀雪魚及北海道帶子。刺身好新鮮，好肥美。左口魚刺身薄得透光，食落爽口，配上特別的醬油，好味。厚切的中拖羅及銀雪魚的魚油十足，入口即溶。煎銀雪魚就食得多，刺身都係第一次嘗試。帶子厚肉鮮甜。
壽司有蔥花吞拿魚蓉及鰤魚壽司，好耐無食到有脆身既紫菜，要讚呀! 壽司飯亦已經調左味，所以完全唔需要點醬油，好味。
串燒有鮑魚，銀杏同黑豚肉。鮑魚大隻爽口，燒完都不會縮水。黑豚肥瘦均勻，燒得香口，鍾意有脆邊。銀杏配上木魚絲，好味。
蒜片安格斯薄燒，安格斯牛燒得剛剛好，肉身不會太老，仍然嫩滑，再卷上大量蔥花及蒜片，仲有大量芽菜墊底，一齊食就prefect 啦!
蒜片安格斯薄燒
43 views
0 likes
0 comments
餃子皮薄肉汁多，點上酸酸的醋汁，一個人可以食一客呀!
沖繩餃子
38 views
0 likes
0 comments
最後更係要湊下米氣，叫了一個海膽炒飯，兩個人份量剛剛好。雖然只簡單用上海膽，雞蛋同蔥花炒，但香氣十足，飯粒炒得粒粒分明，炒得乾身，一大碟好快被清光。
海膽炒飯
37 views
0 likes
0 comments
Post
