Orange Elephant Thai Restaurant (利奧坊) (Closed)

話說有一次嗌咗呢度嘅外賣食，覺得非常好食，所以今日特登走過來食堂食。今日食完之後，又覺得平平無常。刺身蝦辣醬唔香，紅咖喱好稀又唔夠濃味，唯獨是係之前嗌過嘅生菜包肉碎維持水準。食完之後，收銀問我有冇嗌鳳爪，我話冇。點知佢話有優惠加一蚊可以有一碟鳳爪沙律。我就回應話你哋冇提及過喎，佢就話佢哋好忙（明明我坐低嘅時候6:30幾乎得兩張枱）。又話個牌好大，應該行入嚟嘅時候會見到。（即是我嘅問題？）我心諗，你想個個都知就擺喺每張枱度啦。仲要收銀係見到我張單冇嗌到，都仲要問我有冇嗌。係想我有如何感受呢？因為有打包，我就問可唔可以而家加一蚊呀放埋入去？又唔俾，仲叫我星期一再嚟食因為優惠係魚。好攪笑本身喺覺得普通的一餐，離開時反感。唔明白點解要令客人有啲咁嘅感受。