1987 Plus

Open Now

Now Closed

由1987食到1987 plus，有時捻唔到食咩，又想食餐好就會黎呢度。係度食扒一定唔會失望。平時黎都係食晚餐，今次臨時同朋友假日約食午餐，打去留位，好好彩地有位。午餐menu 價錢好抵食，跟餐有是日頭盤set同餐飲,加10蚊就可以配甘筍忌廉湯，頭盤食物都好用心龍蝦汁蝦籽意粉配紅蝦及魷魚圈係一份乾身意粉，龍蝦汁配蝦蝦籽，鹹鮮味足，好食，78蚊cp值高美國安格斯肉眼配薯條今次叫5成熟，肉容易切開，外層焦香，內裡肉嫩多汁，配菜都好有心機整，每次都清碟。但今次既薯條略嫌炸過龍,外殼硬左D同油膩左D。無記錯呢份係98蚊好抵食。人均百頭至百中就可以食到一set有質素既扒餐，推薦推薦，不過記住訂位。