來多碗車仔麵 (康寧道) (Moved) New Location

我對車仔麵情有獨鐘，每星期總會食一次，所以車仔麵我真係食過好多間，呢間令我為佢打篇食評，係我覺得佢好味得黎，食完仲要唔口渴實在值得推介（個人覺得食完唔口渴即係味精唔多）我同老公過左lunch time去，人流唔算多，但朋友lunch去過，話真係好多人要排曬隊先食到，所以店內都有標籤提醒客人要先排隊。車仔麵好多款式選擇，而且店內環境都好乾淨衛生。我地叫左2碗麵，價錢合理，我地點左4餸麵$36。另加$8多杯飲品主角來了，我地每人都叫左碗四餸車仔麵，包括鳯爪（好淋有口感）、雞亦（大大隻夠多肉）、白蘿蔔（超級入味，好甜好好味）咖哩魷魚（辣辣地好惹味，口感夠煙靭而且份量唔少）配米線一齊食，米線唔會太淋，質感剛剛好，湯底係夠曬濃郁。老公就叫左米粉配咖哩魚類（好辣，夠彈牙）、豬紅（好入味，好滑）、雞亦（一樣好味）、牛腩（好淋，重牛味，一d都唔靭，口感非常之好）我同老公食曬成碗後，我地2個都無好口喝感覺，證明味精少，但味道依然好好加上夠曬足料，特登坐車去食都覺得係值得既。