Video
Read full review
2009-01-13
81 views
以前兒時農曆年有個auntie每年都送開，都無食好多年，牙癢癢想再試下仲係咪甘好食！定係因為自己情意結多d！由上網搵番個地址、電話開始，網上食評留言都係話「想買唔容易！」、「真係好好食！」、「真係好巴閉！」。有網友留言話星期六既下午去已經賣晒，買不到！再行第二次店員通知「下次早d啦！」。我就知道要買一罐半罐都有攻略，就係星期六想下晝收工買得到，就一定要打個電話去叫佢地留番罐比你，如果唔係多數都係白行一趟！如是者，我都好慶幸可以每次都順利買得到。上年(新曆2007年12月)想來年農曆年(新曆2008年2月)買幾罐給朋友做拜年賀禮，已經立刻打去問定幾時開始接受預訂，佢地既答覆係已經遲左，每年只會係中秋節接受來年農曆年既訂單。我當時訂下的蛋卷只可以等農曆年後(新年啟市)才有現貨。就因為這一年種種經驗，我今年決定於中秋節致電訂貨。打電話過程好比打電話取叱吒門券，電話接通後我留下聯絡方法、所訂數目。我問及送貨日期時，對方告訴我大約於新曆2008年1月15日(年二十；星期四)。我即時告之屋內所有人必須上班無人收貨，對方著我放心此為暫定送貨日期。送貨時間經過相方協議，又一而再更改。送貨時間延誤，未有
以前兒時農曆年有個auntie每年都送開，都無食好多年，牙癢癢想再試下仲係咪甘好食！定係因為自己情意結多d！由上網搵番個地址、電話開始，網上食評留言都係話「想買唔容易！」、「真係好好食！」、「真係好巴閉！」。有網友留言話星期六既下午去已經賣晒，買不到！再行第二次店員通知「下次早d啦！」。我就知道要買一罐半罐都有攻略，就係星期六想下晝收工買得到，就一定要打個電話去叫佢地留番罐比你，如果唔係多數都係白行一趟！如是者，我都好慶幸可以每次都順利買得到。
上年(新曆2007年12月)想來年農曆年(新曆2008年2月)買幾罐給朋友做拜年賀禮，已經立刻打去問定幾時開始接受預訂，佢地既答覆係已經遲左，每年只會係中秋節接受來年農曆年既訂單。我當時訂下的蛋卷只可以等農曆年後(新年啟市)才有現貨。
就因為這一年種種經驗，我今年決定於中秋節致電訂貨。打電話過程好比打電話取叱吒門券，電話接通後我留下聯絡方法、所訂數目。我問及送貨日期時，對方告訴我大約於新曆2008年1月15日(年二十；星期四)。我即時告之屋內所有人必須上班無人收貨，對方著我放心此為暫定送貨日期。
送貨時間經過相方協議，又一而再更改。送貨時間延誤，未有道歉仍然態度欠佳。今年12月我正期待我所預訂的蛋卷，期間有朋友要求加量訂貨。我訂再打電話詢問確實送貨日期，他們有一位李先生告訴我與之前大致相同的對話：
本人：我想問新年既蛋卷我依家仲可以訂貨嗎？
李先生：你依家訂要過左年先比到你！
本人：甘..我只想要一、兩罐，有現貨嗎？
李先生：你依家訂要過左年先比到你！
本人：你再無現貨嗎？
李先生：無..你想新年要..要中秋訂..而定無得訂。
本人：甘我最遲要幾時先可以買到現貨？
李先生：你依家訂要過左年先比到你！(重複)
本人：我依家訂要新年後先有..我知。 我中秋已經打左黎訂左！我意思係..我想問之前幾時黎都仲有現貨可以買走？
李先生：11月。過左11月我地唔接order。12月你想要就訂貨，過左年先比到你！
本人：如果我已經係中秋時訂貨想問我依家可以加單嗎？
李先生：你要少d就得，加就無可能！我地依家趕緊幾萬罐比人！
本人：甘我之前訂左你地幾時送貨？
李先生：..到係差唔多1月15號！(語氣浮躁敷衍)
本人：我訂貨時你同事話1月15號係暫定日期，話會再改！我想問問你幾時可以安排到，因為當日無人收貨。
李先生：甘1月14號囉！ (星期三非假期；依舊係無人於家中收貨)
本人：都係閒日要返工無人收貨喎！
李先生：甘1月13號囉！(擺明敷衍顧客) (星期二非假期；依舊係無人於家中收貨)
本人：如果平日只有係6點後或是星期六、日才有人收貨！
李先生：甘就要1月10號囉！(星期六；農曆十五)
本人：甘早！可唔可以遲一d？
李先生：只可以早…我地趕緊貨！係你話無人收貨，就要早d啦！
本人：甘就1月10號既下晝啦！
李先生：甘你果日搵人收貨啦！ (草草收線)
我於1月7日(星期三)再致電詢問有關確實送貨時間，李先生再次接聽電話：
本人：想問下你地幾點到會送到？你上次無講實幾點送貨，我要由公司趕回家收貨？
李先生：甘你想我地幾點送丫？ (仍舊語氣無禮輕蔑)
本人：2點後！
李先生：我地下晝送唔到！
本人：但係你地上之應承我會送貨架喎！
李先生：一係你改過另一個時間！我地星期六下晝送唔到！甘你想幾時！
本人：.. .. 星期日全日或者平日既6點後！
李先生：甘星期五(1月9日)啦！
本人：都可以！不過，所有人要返工！要6點後才可以！
李先生：就甘啦！
多次同德成號代表李先生對話，對話內李先生態度傲慢、明顯無禮貌及唔尊重客人，與我親身到店內買蛋卷與其他店員接觸的既情況有好大分別。但再於1月8日(星期四)，接到李先生既電話：
李先生：我地星期五下晝送蛋卷黎，無問題嘛？！
本人：我琴日先打過黎同你講要6點後先有人收貨架嘛！點解你今日打黎又話下晝送黎既？！ 我地真係無人收貨架！
李先生：.. ..甘好啦！6點後丫嘛！
本人：你地真係6點之後先好送黎！我地無人收貨架！
李先生：係甘啦！
原定於1月9日(星期五)6點後送貨，因家人有突發事外出6點半未有送到，致電德成號仍然是李先生接聽：
本人：想問下6點後送貨，因為屋企人有事要趕出門口，已經6點半，你地要幾時送到？
李先生：係你地話6點後送貨..等下啦！已經出左車喇！就到喇！
我唯有收線，著屋企人再等，等到7:30，再致電：
本人：已經7:30仍未到貨，等了個半小時，要幾時先到？
李先生：都係差唔多喇！又係你地話6點後送貨，甘我地物6點後送貨囉！
本人：我既屋企人已經等了個半鐘，點解你地可以甘遲？
李先生：你唔鍾意可以唔好等架！(語氣傲慢敷衍)
本人：吓..已經等左個半鐘都仲未到...你又唔講清楚幾時到？我屋企人有事要趕出門口架！
李先生：都係果句.. 你唔鍾意可以唔好等架！
本人：你問下你地司機幾時到覆返我啦！
李先生：好呀！
本人：你有我電話？你要我留底電話？
李先生：我唔會打比你！係我叫我司機打比你姐！
本人：甘你叫你司機打比我啦！
李先生：我有你記錄！我唔會打比你！係我叫我司機打比你！ (加重語氣)
本人：點解你甘對你既客人既？ 你既態度好差喎！
李先生：我都係甘覺！依句我都想甘同你講！我地做左幾十年，咩客都見過，你唔鍾意可以唔好等架！
本人：我唔同你坳！ 甘今日等唔到甘點呀？！
李先生：再約過囉！
本人：甘約幾時架？
李先生：唔知喎！
本人：唉..唔好喇！ 你叫你司機打比我啦！
李先生：好呀！
5分鐘後與司機既對話同出一轍：
本人：我既屋企人有事要出去！ 你太概幾時到呀？ 已經個等左半鐘喇！
司機：小姐呀！係你地話6點後送貨，仲好講，我特登因為你地就左九龍區送你地先，我比d客催我交貨！ 你地話6點後，依家物6點後囉，又係你地講既.. 我地唔係淨係送你一間架嘛！ 你等下囉！
本人：甘點會個半鐘都未送到架！ 你仲有幾耐呀？
司機：你唔等得可以唔好等架！
本人：我問仲有幾耐呀？ 我有人等緊架？
司機：8:15啦！
:
不過就以上李先生與司機既對話，就算再好食又如何呢？ 他們安排混亂失當 (多次電話對話仍未能確認送貨日期時間)！ 解釋含糊無理 (惡人先告狀！約好時間未有送貨，仲將責任推予客人)！ 態度囂張自負，完全無視客人感受！蛋卷不是白取的！ 要花錢花時間訂購，因此換來一肚氣，我覺得非常不值！比較過奇華、元朗真香、澳門咀香園，德成號有勝人之處，服務再差的食肆如勝香園、九記牛腩、勝利小廚我也遇過，也不及德成號差了！ 經過這次，我會投奇華懷抱！ 在香港，更難食的也有大堆人排著隊光顧，服務差不算什麼，德成號的李先生與司機才會有這樣的氣燄！
Post