發記甜品 (Closed)

今日已經係我第二次去近住旺角朗豪坊嘅發記甜品。食過回頭嘅原因，除咗因為佢地點方便，唔使行到油麻地嗰邊嘅甜品店之外，更加係因為佢嘅甜品味道同質素都良好，價錢又相宜。就以好基本嘅鮮奶燉蛋白為例，一般甜品店都會整到又實又硬，發記甜品個碗比較滑，牛奶味亦都足夠！今日我仲叫多左個朱古力心太軟，可以喺五款雪糕裏面揀一款，包括雲呢拿，石板街，牛奶曲奇，士多啤梨，D24榴槤。我揀了榴槤雪糕，估唔到同朱古力心太軟都幾夾！