Video
Read full review
2018-05-20
4935 views
又有同事走，farewell飯主角想食呢間，次次行過都見佢門面都幾靚，種晒花甘，環境都唔錯。好啦，主角要求當然唔會托手踭！隊長坐低先知係食西式素食 (事前完全無時間「準備功課」)，雖然本menu畫得好靚，不過我果日都勞動左半日，坐低阿姐又講公事，預計到自己當晚要OT，乜野心情都無晒，是但叫個set lunch唔想諗。因為好怕D素食餐廳個沙律會放一D我好憎食既怪味菜，通常我都會叫湯，是日餐湯係紅蘿蔔湯，但應該有加南瓜的，如果唔係應該唔會甘橙色同埋甘甜，都幾好飲。個set main course無得選擇，是日係中式炒飯……望住碟飯，我覺得我一定要叫下午茶食先可以捱得過下晝工作既時間，細到呢，果然好快比我食晒碟飯，我諗隊長呢D女漢子都係去食男人飯會適合D，而且其實碟飯係淡而無味，好似是但落D菜加D豉油去炒。早知學我個同事，散叫個素漢堡可能仲夠飽，不過佢個包都唔算好大個，我地都唔敢硬切佢個包黎食，驚連佢都唔夠飽，不過佢話一般，佢話個包好乾，無乜汁，伴碟的炸物又係乾到裂，總之食完成碟野都好乾、好口渴。我地個set lunch會包埋飲品同甜品，我揀左咖啡同朱古力蛋糕，因為係素食關係，咖啡唔會有牛奶
隊長坐低先知係食西式素食 (事前完全無時間「準備功課」)，雖然本menu畫得好靚，不過我果日都勞動左半日，坐低阿姐又講公事，預計到自己當晚要OT，乜野心情都無晒，是但叫個set lunch唔想諗。因為好怕D素食餐廳個沙律會放一D我好憎食既怪味菜，通常我都會叫湯，是日餐湯係紅蘿蔔湯，但應該有加南瓜的，如果唔係應該唔會甘橙色同埋甘甜，都幾好飲。個set main course無得選擇，是日係中式炒飯……望住碟飯，我覺得我一定要叫下午茶食先可以捱得過下晝工作既時間，細到呢，果然好快比我食晒碟飯，我諗隊長呢D女漢子都係去食男人飯會適合D，而且其實碟飯係淡而無味，好似是但落D菜加D豉油去炒。早知學我個同事，散叫個素漢堡可能仲夠飽，不過佢個包都唔算好大個，我地都唔敢硬切佢個包黎食，驚連佢都唔夠飽，不過佢話一般，佢話個包好乾，無乜汁，伴碟的炸物又係乾到裂，總之食完成碟野都好乾、好口渴。
我地個set lunch會包埋飲品同甜品，我揀左咖啡同朱古力蛋糕，因為係素食關係，咖啡唔會有牛奶提供，但會有豆奶、杏仁奶同椰奶揀，我揀左出面比較少既杏仁奶 (椰奶咖啡總係覺得好奇怪)，其實飲開正常牛奶咖啡的，一定會覺得用呢D代替品係會有差距，的而且確杯咖啡係無甘香，而且加左咖啡，反而更加飲唔到杏仁奶味；至於件蛋糕，由於都係素食關係，蛋糕係無落蛋的，口感係會結實D，不過就唔甜，怕甜既人就好岩食。
最終我食完呢餐飯，4點幾係走左落去7仔買左個撈麵+魚旦燒賣，比左$158食唔飽，又要炒飯炒到鬼甘求其，同事間一致通過無下次~
Post
