桃園眷村 (Closed)

上次經過朗豪坊，見到呢間桃園眷村，原來喺上海好出名，係一間賣台式古早味早餐嘅鋪頭，食下粢飯，豆漿同燒餅，不過上次book左餐廳冇去，今晚就專程黎試下先。先喺門口點野食，之後拎埋個電子取餐通知器就可以搵個靚位坐低等等喇。店內佈置好似文青咖啡店咁，細心留意可以見到裝修嘅細節流露出台灣懷舊嘅味道。原木色嘅枱櫈，純白色嘅擺設，襯埋一道灰牆，滿滿嘅台灣文青氣氛。呢個係出餐嘅位置，好乾淨👍食物嘅種類可分為四大種類，粢飯，豆腐花，燒餅同飲品。雖簡單，但有唔同口味選擇。我地叫左粢飯，2個燒餅，1個鹹豆花，1杯豆漿1杯茉香洛神賦。後來拎餐時就擔心食唔晒喇，因為份量都唔係細小。其實原本諗住同老公一人一份粢飯燒餅，但豬未試過食鹹豆花，完全不能夠想像係咩味，所以就order左一碗試下。豆腐花面有菜脯、蝦皮、紫菜、葱同脆卜卜嘅油炸鬼粒，帶有辣油。豬覺得都幾有趣，味道係鹹香，紫菜嘅味道令豬諗起章魚小丸子，再撞上豆花軟滑同非常脆嘅油炸鬼，覺得得意。而老公就認為自己食唔慣，都係鍾意平時食開嘅豆腐花。呢款係辣味嘅燒餅，叫功夫辣雞腿燒餅，食落都幾香口惹味，好似板燒雞腿。而豬扒蛋燒餅，個煎蛋都幾靚，豬扒調味方面唔鹹，可加重