炭火地雞

Open Now

Now Closed

串燒都係我們家另一愛好，好開心又發掘到很可以encore再encore嘅串燒店每串串燒都係用備長炭即叫即燒，今次帶埋阿仔冇機會坐吧枱，下次一定要坐吧枱近距離感受一下個備長炭火爐，好震撼!串燒唔會一窩蜂咁上枱，逐款逐款咁上，可以每串都享用到最熱辣辣嘅moment加埋炭燒嘅焦香味，好回味，一家三口都食得好滿意其中提燈係炭火地雞嘅招牌，即是雞嘅卵巢同未孵化嘅蛋卵巢食落個口感好似肝，係粉粉地嘅口感，配以濃郁味道薯仔沙津上放有一隻流心溫泉蛋，將「薯仔沙津」呢件事level up咗味噌松板豬係仔仔最愛，味噌醃過後甜甜的，好似驚安燒肉商店嘅味噌豬五花濃香雞湯麵線好有驚喜，本來只係一樣打算叫俾仔仔食嘅主食，點知爸爸媽媽食完都愛上了，食落好溫暖，好舒服!雞翼燒得脆皮而肉嫩，調味亦恰到好處，好出色!炭燒白鱔脆口得麻煩怕細骨嘅我都完全咬唔到有細骨，爽脆口感好美味鵪鶉蛋卷係用豬肉片包裹住鵪鶉蛋，好少地方食得到呢種做法，好食推介!另外我地都叫咗雞軟骨﹑雞皮﹑牛舌芯﹑和牛三角腩﹑車厘茄卷﹑麻薯卷﹑海老卷﹑芝士年糕每樣都好好食，係絕對絕對要encore嘅串燒店，亦好適合同三五知己嚟邊傾計邊飲邊食!