Chef's Stage Kitchen (愉景新城) (Closed)

星期日係荃灣行街, 因為太晏食早餐到3點幾開始肚餓, 朋友就話試下呢間西餐一入去就比餐廳播既歌吸引, 有一種好悠閒既感覺 3點幾個時間, 餐廳都幾FULL, 心諗朋友應該冇介紹錯 BRUNCH 有十幾款可以揀, 岩哂鍾意選擇既小妹 落單既時候, 店員仲會講有咩特別推介好細心甘筍南瓜湯+牛角包($28):  呢個係店員推介既, 果然冇令小妹失望    個湯又濃仲帶甜味, 甘筍同南瓜都好足料, 牛角包又鬆脆, 成個湯好出色 鮮蟹肉扁意粉配蟹膏、蝦膏及忌廉汁($108): 呢個又係一個誠意之作  蟹肉多到難以至信, 每一啖意粉都有蟹肉, 意粉又煮得岩岩好, 軟硬適中 板燒西班牙黑毛豬豬肩扒配燒汁伴甜薯及花椰菜苗($138): 黑毛豬肉味好濃, 加上表面煎得好脆, 入面仲有肉汁 , 連配菜既甜薯都好好味 鴛鴦+偽鴛鴦($28 each):  鴛鴦有4種選擇, 小妹朋友揀左原味, 偽鴛鴦有2種選擇, 小妹揀左朱古力, 值得一讚係上面既咖啡冰粒, 溶左之後, 杯飲品既味道都冇淡到 食飯中途, 有一枱慶祝生日, 餐廳仲播生日歌, 好有氣氛 到埋單既時候, 仲有個搞笑位, 就係呢隻煎蛋, 好有創意