大家姐 (Closed)

雖然大家姐開好耐，但每次經過都好多人，唔會去食，今次係附近做完野有啲肚餓，咁岩舖頭又無咩人，就順理成章入去食。一坐低就嚇親，張枱好污糟，相睇唔清楚，真實環境好似好耐無清潔過，但心諗都黎到就試下，平時咁多人係門口。問阿姐攞張menu，又係好污糟，食物價錢正常，叫左個碗仔翅同辣魚蛋，黎到簡直係慘不忍睹。2樣食物都係杰撻撻，明顯好大方落左好多生粉，變左係漿😫魚蛋味道好單薄，無咁味。唔明白點解咁多人食...定係我叫錯野食？